Lajme

E frikshme, a e parashikoi filmi hollivudian virusin vdekjeprurës?

Autori: Gazeta inFokus 16:42 | 24 January 2020

Tre qytete të mëdha në Kinë janë izoluar nga frika e përhapjes së një koronavirusi vdekjeprurës. Bëhet fjalë për 20 milionë banorë, të cilët druhen se mund t’u mbarojnë ushqimet. Pamjet që vijnë nga këto qytete i ngjajnë filmave me zombie.

Por në fakt, ka një film Hollivudi që po përflitet shumë këto ditë në media. Fansat e filmit “Contagion” me Matt Damon thonë se ngjashmëritë me atë që po ndodh në Kinë tani janë të frikshme.

Në filmin e vitit 2011, Pacientja Zero, një amerikane e quajtur Beth Emhoff (Gwyneth Paltrow), preket nga sëmundja fatale pas një udhëtimi në Hong Kong. Por ajo që po i shokon fansat ka lidhje me burimin e sëmundjes.

-Advertisement-

Në film tregohet se bartësi fillestar i virusit është një lakuriq. Madje një lakuriq frutash. Një derr e ha këtë lakuriq dhe më pas një shef kuzhine blen derrin dhe e dërgon për gatim. Teksa po merrej me derrin, ai nuk i lan duart kur takon një kliente, pikërisht amerikanen Beth Emhoff. Pasi i jep dorën, ai i transmeton virusin e marrë nga lakuriqi dhe derri, duke e bërë Pacienten Zero.

Virusi që po terrorrizon Kinën thuhet se ka ardhur nga supa e lakuriqit.

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit
-Advertisement-

Të tjera

Fokusi

lajme