Lufta e humbur e “Iute Credi” dhe “Monegos” bazuar në ligjin e BQK-së (Dokument)
Autori: Gazeta inFokus 15:27 | 16 January 2020
Kërcënimi i përfaqësuesve të “Iute Credi” dhe “Monegos” se do ta dërgojnë Kosovën në arbitrazh nëse nuk iu kthehen licencat është i kotë.
Dy kompanitë, që u gjet se operonin jashtë planit të biznesit dhe dyshohet se rrezikuan sigurinë e vendit për shkak të financimit të dyshimtë, sipas ligjit të Bankës Qendrore të Kosovës i kanë gjasat minimale për t’u kthyer në tregun e Kosovës.
Madje edhe nëse gjykata gjen se BQK-ja nuk kishte të drejtë, ligji thotë se nuk mund të pezullohet vendimi për tërheqjen e licencave.
“Gjykata apo paneli i arbitrazhit do të jetë i autorizuar, në rastet e duhura, të caktojë dëmshpërblime monetare për palën e dëmtuar, por nuk do të ndalojë, të pezullojë, të suspendojë apo të shfuqizojë veprimet e marra nga Banka Qendrore”, thuhet në nenin 77 të Ligjit për Bankën Qendrore të Kosovës.
Përveç kësaj edhe zyrtarët e BQK-së janë të mbrojtur dhe nuk do të mbahen përgjegjës për vendimet që kanë marrë lidhur me këtë rast.
Së paku kështu e thotë ligji, i cili përmend se “një anëtar i organeve vendimmarrëse apo personelit të Bankës Qendrore, apo një agjent i Bankës Qendrore, duke përfshirë një person i cili dikur ka qenë në një pozitë të tillë, nuk do të jetë përgjegjës për dëme apo përgjegjës për vepra a lëshime që kanë ndodhur bazuar në dhe në proces të realizimit të detyrave dhe përgjegjësive në emër të Bankës Qendrore përveç nëse provohet që këto vepra a lëshime përbejnë sjellje të paligjshme me dashje apo neglizhencë serioze”.
Por, pavarësisht kësaj, përfaqësuesit ligjor të të dyja institucioneve financiare që humbën licencën për shkak se rrezikuan sigurinë kombëtarë kanë kërcënuar se nëse nuk i kthehet licenca do ta dërgojnë këtë vendim në arbitrazh.
Rauno Kin Kard, zyrtar ligjor në “Iute Credit Kosova”, në një konferencë për media ka thënë se vendimi i BQK-së, për tërheqjen e licencave i përkeqëson edhe marrëdhëniet e Kosovës me Estoninë.
“Kur u mor vendimi me 6 dhjetor ky vendim na ka tronditur të gjithëve, dhe pasi që ky vendim ka qenë i padrejtë dhe i paligjshëm do të përdorim çfarëdo mjeti ligjorë për ta kundërshtuar këto dhe në gjykatën e Arbitrazhit në Uashington”, ka thënë Kard.
Njëjtë kanë kërcënuar me arbitrash edhe në kompaninë “Monego”.
“Nëse nuk ec në këtë mënyrë siç e kemi paraparë, ne e kemi opsionin edhe të arbitrazhit dhe nuk kisha pas dëshirë që Kosova edhe njëherë të pësoj debakël në arbitrazh për shkak se jemi të bindur se ky rast është i fituar”, ka thënë Arianit Koci, përfaqësues ligjor i kompanisë Monego.
Të tjera
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...