Lajme

Avokati i Popullit organizon ditën e hapur me qytetarët

Autori: Gazeta inFokus 07:03 | 11 December 2019

Institucioni i Avokatit të Popullit organizon ditën e hapur me qytetarët e Komunës së Pejës ku qytetarët e interesuar mund të takojnë Avokatin e Popullit, Hilmi Jashari.

Në këto takime, Avokati i Popullit takon në mënyrë individuale secilin qytetarë që lajmërohet për takim, duke u respektuar parimi i konfidencialitetit, që të parashtrojnë ankesat e tyre për shkeljet eventuale apo t’i drejtohen për këshilla, në rast të shkeljes së të drejtave të njeriut nga autoritetet publike.

Avokati i Popullit ka kompetenca për t’i hetuar ankesat e pranuara nga çdo person fizik apo juridik, duke përfshirë veprimet apo mosveprimet që paraqesin keqpërdorim të autoritetit, lidhur me pohimet për shkeljen e të drejtave të njeriut të parapara me kushtetutë, ligje dhe akte të tjera, si dhe me instrumentet ndërkombëtare për të drejtat e njeriut dhe veçanërisht me Konventën Evropiane për të Drejtat e Njeriut.

-Advertisement-

Takimi me qytetarët do të mbahet në Zyra e Institucionit të Avokatit të Popullit në ndërtesën e Komunës së Pejës.

Subscribe në YouTube: GAZETA INFOKUSI