Sport

“Nuk luaj kurrë te PSG”, Hazard zbulon ofertat radhazi

Autori: Gazeta inFokus 14:32 | 22 November 2019

Me 50 gola në 194 ndeshje dhe me kthimin në simbol të tifozerisë për vite, ajo mes Eden Hazard dhe Lilës ishte një histori dashurie që askush nuk e harron.

Sulmuesi belg mbetet mirënjohës ndaj skuadrës franceze që e lançoi në futbollin që vlen, para se të luante për 7 sezone me Celsin e tani të veshë fanellën e realit të Madridit.

Por mesfushori ofensiv Eden Hazard nuk e harron të kaluarën, dhe kjo ndikon edhe në vendimet për të tashmen.

-Advertisement-

“Nuk ka asnjë mundësi që të më shohin me fanellën e Paris Sën Zhermenit. Kanë kërkuar shpesh të më blejnë por kam refuzuar gjithmonë. Është një klub që mund të më sjellë Champions por nuk është në planet e mia. Nëse ndonjëherë do kthehem, ka vetëm një ekip aty”.

Referenca e Hazard është e qartë që në futbollin francez do të jetë vetëm me skuadrën e Lilës. Hazard ka pasur së fundmi disa ndeshje të mira me Belgjikën dhe po fillon të kthehet në top formë, pas lëndimit që e penalizoi në fillim të sezonit.

Subscribe në YouTube: GAZETA INFOKUSI