Lajme

A do t’a kthej Kurti prokurorin Elez Blakaj në Kosovë? (Video)

Autori: Gazeta inFokus 09:56 | 02 November 2019

Kreu i Lëvizjes Vetëvendosje, Albin Kurti para se të fillonte procesi zgjedhorë ka dhënë disa premtime ku sipas tij me ardhjen e tij në qeverisje do t’i realizonte.

Ndër premtimtimet e para që Kurti kishte dhënë në një video live në rrjetin e tij social facebook ishte ta kthej Elez Blakaj në Kosovë pasi sipas tij ky i fundit u përndoq nga Kosova, shkruan gazeta inFokus.

“Ndër gjërat e para që do të bëjë LVV, është ta kthej Elez Blakaj në Kosovë. Pra prokurori Blakaj iku sepse e përndoqët nga Kosova, dhe ai ndodhet në SHBA, por me qeverinë tonë do të kthehet në Kosovë. Pastaj do të bëjmë zvogëlimin e Qeverisë”, ishte shprehur Kurti.

-Advertisement-

E Kurti për zvogëlimin e ministrive e ka konsideruar si kusht të domosdoshëm për luftën ndaj krimit dhe korrupsionit.

“Do të kemi vetëm 12 ministri me vetëm nga një zëvendësministër për ministri. Është e domosdoshme që duhet ta luftojmë krimin e korrupsionin sepse shteti ynë është diskredituar si tatimmbledhës për shkak të skandaleve korruptive qeveritare. Është bërë e arsyeshme që qytetarët të refuzojnë të paguajnë tatime kur kanë kaq shumë korrupsion”, është shprehur ai duke shtuar se shteti është zbehur nga vlera në sytë e qytetarit”.

Ndërsa lidhur me veteranët e rrejshëm, Kurti kishte thënë se do të duhej të bëhej një lloj rivlerësimi pasi nuk lejohen kësi lloj deformimesh, shkruan gazeta inFokus.

“Pjesëmarrja në luftë dhe veteran i luftës nuk janë e njëjta gjë. Kam përshtypjen që ka njëfarë ngatërrese këtu. Do të duhej të bëhej një lloj rivlerësimi, sepse rrezikojmë me këto shifra të fryera ta dëmtojmë historinë tonë. Nuk mund të lejojmë këso deformimesh që e dëmtojnë sbstancën tonë kombëtare dhe themelin e shtetësisë e pavarësisë, ka thënë Kurti./Gazeta inFokus/.