Auto&Tech

Skoda paralajmëron Kamiqin në version GT

Autori: Gazeta inFokus 12:09 | 24 October 2019

version GT
Pas prezantimit të konceptit Vision GT në muajin qershor, prodhuesi çek i veturave përmes disa skicave paralajmëron versionin serik të këtij koncepti i cili në tregun kinez do të shitet si Kamiq GT.

Prezantimi zyrtar i Skoda Kamiq GT do të mbahet më 4 nëntor, ndërsa shitja e tij në Kinë pritet të fillojë në fund të këtij viti, transmeton Koha.net. Etiketa “GT” në emër zbulon se bëhet fjalë për versionin Coupe-SUV të Kamiqit, sikur Kodiaq GT i cili është prezantuar dhe tashmë shitet në Kinë.

Kamiq GT është më i gjatë për 2 cm se Kamiqi standard kinez, ndërsa boshtin e rrotave e ka të njëjtë – 2.6 metra.

-Advertisement-

Gjithashtu, Skoda Kamiq GT pritet të jetë në dispozicion me motor benzinë 1.2-litër TSI me kapacitet prej 112 kuajfuqi, si dhe 1.5-litër MPI me 110 kuajfuqi në kombinim me marshin manual me 5 shpejtësi ose marshin automatik.