Sport

Berlusconi: Më ktheni Milanin, e bëj sërish të madh

Autori: Gazeta inFokus 10:14 | 14 October 2019

Milani ka qenë në vështirësi prej sezonit 2010-2011 kur fitoi titullin e fundit të Serie A dhe Silvio Berlusconi shiti ekipin.

Por ish-presidenti i Milanit, Silvio Berlusconi, ka deklaruar se e vetmja mënyrë që kuqezinjtë të rikthehen në maja është nëse klubi i kthehet serish atij.

Stefano Pioli po kërkon të shpëtojë sezonin e nisur si mos më keq të Milanit pasi Marco Giampaolo u shkarkua pas vetëm shtatë ndeshjesh.

-Advertisement-

Ishte Berlusconi në krye të Milanit, kur kuqezinjtë u kurorëzuan 8 vite më parë si kampionë në Itali, para se të vendoste ta shiste klubin tek konsorciumi kinez në 2017, teksa Elliott Management ka marrë kontrollin për shkak të dështimit për shlyerjen e borxheve.

Gjatë prezantimit të Piolit javën e kaluar, drejtuesi i klubit Ivan Gazidis, pretendoj se ishte Elliott Management që shpëtoi gjigantët italianë nga falimentimi dhe përfundimi në Seria D.

Pas kësaj deklarate nuk ka vonuar reagimi i Berlusconit, edhe pse në një formë vulgare.

“Këto janë fraza që dikush i thotë vetëm nëse futet në tualet dhe ka mbyllur edhe derën,” i tha Berlusconi TeleLombardia, duke vijuar më tej “Sa i përket mënyrës sesi ta kthejmë Milanin serish të madh kaluarës, kjo është e thjeshtë, por në të njëjtën kohë është e vështirë të ndodhë: Jepja klubit përsëri Silvio Berlusconit”.

Subscribe në YouTube: GAZETA INFOKUSI