Ekonomi

Austria do ta përkrahë zhvillimin e bujqësisë në Kosovë

Autori: Gazeta inFokus 14:07 | 10 July 2019

Austria do të ofroi ekspertizë për avancimin e sektorit të bujqësisë në Kosovë. Kështu ka premtuar Ambasadori austriak në Kosovë Gernot Pfandler në takim me ministren e Bujqësisë, Pylltarisë dhe Zhvillimit Rural, Dijana Zhiviq.

Ministrja Zhiviq me këtë rast e ka njoftuar ambasadorin austriak me programet mbështetëse të MBPZHR-së, si dhe projektet që ministria do të zbatojë  këtë vit.

“Në takim është biseduar rreth mundësisë së realizimit të projekteve konkrete në fushën e bujqësisë, siç janë prodhimi organik, përkrahja e fermerëve të rinj, hapja e vendeve të reja të punës dhe mbështetja për zhvillimin e zonave rurale”, thuhet në njoftimin e Ministrisë së Bujqësisë.

-Advertisement-

Ambasadori Pfandler me këtë rast theksoi rëndësinë e sektorit të bujqësisë për zhvillimin ekonomik dhe me këtë rast ofroi përkrahje përmes ekspertizës për avancimin e sektorit të bujqësisë ne Kosovë.

Ministrja Zhiviq dhe Ambasadori Pfandler kanë shprehur interesin e tyre të përbashkët për të inkurajuar zhvillimin e bujqësisë me qëllim të përmirësimit standardit jetësorë në Kosovë.

Në këtë takim mori pjesë edhe drejtori i Agjencisë Austriake për zhvillim ( ADA ), Gunther Zimmer./Gazeta inFokus/

 

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

ekonomi