Lajme

Sindikatat nuk arrin të nxjerrin në protestë as një grusht punëtorësh

Autori: Gazeta inFokus 11:31 | 01 May 2019

Kosovarët duket se nuk kanë asnjë problem me kushtet e punës. Sëpaku kështu vlerësohet situata nëse shihet numri i pjesëmarrësve në protestën e organizuar nga Bashkimi i Sindikatave të Pavarura të Kosovës.

Protestës së thirrur nga ky institucion, me rastin e Ditës ndërkombëtare të Punës, nuk i janë përgjigjur as vetë të gjithë anëtarët e sindikatës, shkruan Gazeta inFokus.

Për dallim nga viti i kaluar, këtë vit para Tetrit Kombëtarë në Prishtinë janë paraqitur dhjetëra protestues që kërkojnë të drejta dhe kushte më të mira të punës.

-Advertisement-

Këtë protestë e ka mbështetur edhe Partia Socialdemokrate, megjithatë pak anëtarë nga kjo parti janë parë në protestë.

Kryetari i Bashkimit të Sindikatave të Pavarura të Kosovës, Avni Ajdini është shfaqur i pakënaqur me numrin e vogël të pjesëmarrësve megjithatë ai shpreson se mesazhin e protestës t’ua përcjellin punëtorëve kolegët që të mërkurën dolën në shesh, shkruan Gazeta inFokus.

“Edhe pse jeni në një njësi më të vogël krahasim me pakënaqësitë që janë duke u krijuar në vendet e punës, faleminderit që keni marr pjesë”, ka thënë Ajdini.

Ai e ka arsyetuar mungesën e anëtarëve tjerë sindikal suke thënë se një numër i tyre ndoshta sot edhe punojnë “dhe nuk e kanë pasur guximin me lanë vendin e punës dhe më nau bashkëngjit në protestën tonë”.

Ndërkaq, Abedin Haxhiu nga Këshilli Organizativ ka shfaqur hapur pakënaqësinë me këtë situatë, shkruan Gazeta inFokus.

“Kisha pas dëshirë që kjo pjesëmarrje të jetë më masovike, sepse po krijohet një përshtypje që punëtorët në Kosovë janë të kënaqur me kushtet e punës”, u është drejtuar ai protestuesve.

Protesta e së mërkurës është organizuar nga BSPK me rastin e Ditë së Punëtorëve, 1 Majit, në sheshin “Skënderbeu” në Prishtinë prej orës 11:00 me kërkesat për Marrëveshjen Kolektive, për rritje të pagës minimale, për skema pensionale si dhe për sigurime shëndetësore./Gazeta inFokus/

Subscribe në YouTube: GAZETA INFOKUSI