Lajme

Qeveria nuk i pranon dorëheqjet e kryetarëve verior

Autori: Gazeta inFokus 08:15 | 10 January 2019

Ndonëse kanë kaluar më shumë se 40 ditë nga koha kur katër kryetarët e komunave veriore me shumicë serbe dhanë dorëheqje, Ministria e Administrimit e Pushtetit Lokal ende nuk ka dhënë ndonjë vlerësim ligjor për këto dorëheqje, kurse Qeveria i vlerëson të papranueshme dorëheqjet e kryetarëve serbë.
Më 27 nëntor të vitit që lamë pas katër kryetarët e komunave veriore kanë ofruar dorëheqjet nga këto poste në shenjë proteste kundër vendosjes së taksës 100% ndaj produkteve nga Serbia.

Ndërkohë tashmë kanë kaluar të gjitha afatet ligjore për shqyrtimin e këtyre dorëheqjeve, por Zyra Ligjore në Ministrinë e Administrimit të Pushtetit Lokal ende nuk ka dalë me vendim nëse duhet të pranohen këto dorëheqje ose jo, shkruan Gazeta “Zëri”.

Pavarësisht mungesës së vendimit nga MAPL-ja, Qeveria e Kosovës vlerëson se dorëheqjet nuk mund të pranohen pasi në dorëheqje kryetarët serbë të këtyre komunave i janë referuar Republikës së Kosovës si “Kosova e Metohija”.

-Advertisement-

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme