Sport

Këto janë dy ekipe që nuk ranë asnjëherë nga Superliga

Autori: Gazeta inFokus 14:48 | 26 Nëntor 2018

Skuadrat e Superligës së Kosovës në futboll shpesh kanë shijuar edhe Ligën e Parë, duke rënë nga elita e futbollit kosovar një rang me poshtë dhe duke u rikthyer prapë.

Mirëpo, vetëm dy ekipe nga ato që aktualisht garojnë në Superligën e Kosovës në futboll nuk e kanë përjetuar rënien nga elita e futbollit kosovar që nga paslufta.

Fjala është për dy ekipet që do të ballafaqohen të martën në kuadër të Kupës së Kosovës në futboll, Drenica dhe Prishtina.
Skuadra prishtinase për një kohë të gjatë bartë barrën kryesore në elitën e futbollit kosovar, pasi përherë ka luftuar për pjesën e sipërme të tabelës dhe titullin e kampionit.

-Advertisement-

Ndërkohë edhe ekipi i Drenicës, në çdo kampionat ka treguar ndeshje të mira dhe ka arritur që të jetë ekip stabil në elitën e futbollit kosovar.

Rrezikun më të madh ky ekip e pati në vitin 2016, kur ekipi u gjend në barazh, por shpëtoi përmes asaj ndeshjeje. /Gazeta inFokus