Lajme

Yll Rugova ende drejtor i Shpend Ahmetit

Autori: Agnesa Çitaku 10:15 | 22 November 2018

U deklarua se do të largohet bashkë me dy bashkëpartiakët e tij.

E pas disa ditësh ndryshoi qëndrimin duke thënë se vendimin për largim apo jo do të merret në Vetëvendosje.

Por duke që përfundimisht, drejtori i drejtorisë së Kulturës në Komunën e Prishtinës, Yll Rugova ka vendosur të mos e lëshoi karrigen e drejtorit.

-Advertisement-

Zëdhënësja e komunës së Prishtinës, Miranda Mullafazliu në një prononcim për Gazetën inFokus ka treguar se Rugova është duke vazhduar punën normalisht.

“Momentalisht nuk ka asnjë të re, nëse edhe ai do të jap dorëheqje do ta bëj publike”, ka thënë ajo.

Ndërsa Yll Rugova nuk ka qenë i qasshëm gjatë ditës edhe pas disa tentimeve nga Gazeta inFokus për të marrë një prononcim lidhur me këtë çështje

Ndryshe në fillim të këtij muaji saktësisht më 7 nëntor, kryetari i komunës së Prishtinës, Shpend Ahmeti përmes një emisioni televiziv ka bërë të ditur shkarkimin e dy drejtorëve të Vetëvendosjes në komunën e Prishtinës.

Ky vendim vleu për drejtorin e drejtorisë së shëndetësisë, Arben Vitinë dhe drejtoreshën e drejtorisë së Kadastrit, Nora Kelmendin por jo edhe drejtorin tjetër të VV-së, Yll Rugovën.

E të nesërmen në një konferencë për medie dolën dy drejtorët e shkarkuar bashkë me Rugovën i cili bërë të ditur se mos largimi i tij është tentim për të shkaktuar përçarje brenda VV-së ndërsa ai do të largohet vet.

“Ky largim si për dy drejtorët e tjerë vlen edhe për mua njësoj, unë jam tashmë i larguar”, ka thënë Rugova.

Por disa ditë më vone ai ndryshoi qëndrimin. Rugova deklaroi se për largimin apo jo të tij do të mirret vendim brenda Vetëvendosjes./Gazeta inFokus/

Subscribe në YouTube: GAZETA INFOKUSI