Auto&Tech

Me cilin veturë elektrike kaloni më shumë kilometra me një mbushje ?

Autori: Gazeta inFokus 07:17 | 12 November 2018

Portali What Car ka testuar autonominë e makinave elektrike dhe përcaktoi se cilat nga ato aktuale në treg lejojnë tejkalimin e distancave midis dy baterive të ngarkuara.

Edhe pse disa nga kompanitë më të mëdha në botë mburren me autonominë e tyre, kampioni është ende Hyundai i Koresë së Jugut, transmeton KosovaPress.

Modeli i kësaj kompanie, Kona Electric në version me bateri 64 kWh mund të kalojë 414 kilometra. Pasojnë Jaguar I-Pace dhe Kia e-Niro me 404 km.

-Advertisement-

Në vendin e katërt është modeli Tesla S 75D me 326 km dhe në pestin përsëri Hyundai Kona Electric, por me një bateri prej 39 kWh që lejon 252 km në mes të ngarkimit.

Në top-dhjetë janë edhe Renault Zoe R110, Nissan Leaf, BMW i3, Volkswagen e-Golf (190 km) dhe Hyundai Ioniq Electric. Ndryshe, në listë janë vetëm modelet që What Car ka pasur mundësinë për t’i testuar, ndër ta nuk ishin Tesla Model 3 ose Model S 100D.