Lajme

Edhe 119 avokatë i shtohen Gjykatës Speciale

Autori: Gazeta inFokus 16:55 | 01 November 2018

Është rritur numri i mbrojtëseve që do të përfaqësojnë të dyshuarit, akuzuarit e viktimat në Dhomat e Specializuara të Kosovës (DHSK).

Në komunikatën e DHSK-së thuhet se listat e reja përmbajnë emrat e 119 juristëve, shkruan Gazeta inFokus.

“Listat e reja të përditësuara përmbajnë emrat e 119 juristëve nga Kosova, Serbia dhe një numër shtetesh të tjera. Juristët që e kanë emrin në listë mund të zgjidhen për të përfaqësuar të dyshuar, të akuzuar, një grup viktimash, apo këdo tjetër që gëzon të drejtën e përfaqësimit juridik në procedurat para Dhomave të Specializuara të Kosovës, në përputhje me Ligjin për krijimin e DHSK-së dhe Direktivën për Mbrojtësit”, thuhet në komunikatë.

-Advertisement-

Po ashtu Dhomat e Specializuara të Kosovës kanë bërë të ditur se mbrojtësit mund të zgjedhin nëse duan që emrat e tyre të përmenden publikisht në faqen e internetit të DHSK-së.

Në të njëjtën komunikatë thuhet se që nga nëntori i 2017-es Zyra e Mbrojtjes dhe Zyra e Pjesëmarrjes së Viktimave kanë marrë kërkesa të shumta për pranim. /Gazeta inFokus/