Prizren, Drejtori i Kulturës dënohet me burgim
Autori: Gazeta inFokus 14:31 | 30 October 2018
Kryetari i Komunës së Prizrenit, Mytaher Haskuka në kabinetin e tij qeverisës ka një drejtor të dënuar për dy vepra penale nga Gjykata Themelore e Prizrenit.
Ehat Oreshka, drejtor për Kulturë në Komunën e Prizrenit është shpallur fajtorë nga Gjykata e shkallës së parë për veprat penale falsifikim i dokumentit dhe legalizim i përmbajtjes së rreme.
Drejtori i dënuar nga Gjykata Themelore nuk ka pranuar të flasë për KALLXO.com përkundër faktit se ai është kontaktuar disa herë.
As i pari i Komunës, Mytaher Haskuka nuk ka pranuar të flasë për faktin se në kabinetin e tij ai tashëm ka një drejtor të dënuar për dy vepra penale nga Gjykata e shkallës së parë.
KALLXO.com merr vesh se në kohën e emërimit në krye të Drejtorisë së Kulturës në Komunën e Prizrenit Ehat Oreshka, kishet njëw aktakuzë të ngritur nga Prokuroria e Prizrenit për Mashtrim dhe legalizim i përmbajtjes së rreme.
Të thënat e siguruara nga KALLXO.com tregojnë se Gjykata Themelore në Prizren ka shpallur aktgjykim dënues ndaj Drejtorit të Kulturës, Rinisë dhe Sporteve, Ehat Oreshkës, i cili akuzohej për dy vepra penale.
Lajmin për KALLXO e ka konfirmuar edhe zëdhënësja e Gjykatës, Afërdita Kicaj.
Kicaj ka treguar për KALLXO.com se Ehat Oreshka për këto dy vepra penale është dënuar me dënim unik dhe atë dënim me burgim me kusht.
“I akuzuari me iniciale E.O. akuzohet për dy vepra penale, falsifikim i dokumentit nga neni 398 par.2 të KPRK-së, dhe veprës penale legalizim i përmbajtjes së rreme nga neni 403 par.1 të KPRK-së. Gjykata i shqiptoi dënim UNIK dhe atë dënim me kusht, ashtu që i vërteton dënimin me burgim në kohëzgjatje prej një(1) viti e 6 (gjashtë) muaj i cili dënim nuk do të ekzekutohet nëse i akuzuari në afat të verifikimit prej 2 (dy) viteve nga dita e plotfuqishmërisë së këtij aktgjykimi, nuk kryen vepër të re penale”, tha Kicaj.
Sips saj, Gjykata Themelore në Prizren ka shpallur aktgjykim edhe për tre persona të tjerë për bashkëkryerje të veprimit.
“Të akuzuarit me iniciale B.O. M.O. dhe S.O. për shkak se në bashkëkryerje kanë kryer veprën penale deklarimi i rrejshëm nga neni 392 par.1 lidhur me nenin 31 të KP-së, Gjykata iu shqiptoi dënimin me kusht, ashtu që i vërtetoi dënimin me burg në kohëzgjatje prej 6 (gjashtë) muajve i cili dënim nuk do të ekzekutohet nëse të akuzuarit në afatin e verifikimit prej 1 (një) viti nga dita e plotfuqishmërisë së këtij aktgjykimi, nuk kryen vepër të re penale, dhe dënimin me gjobë në shumën prej secilit nga 200 (dyqind) euro, i cili dënim nuk do të ekzekutohet nëse në afatin e verifikimi prej 1 (një) viti nuk kryejnë vepër të re penale”, shtoi Kicaj.
Prokuroria Themelore në Prizren me datën 24 shkurt të vitit 2017 kishte ngritur aktakuzë ndaj Drejtorit të Kulturës, Rinisë dhe Sporteve, Ehat Oreshkës, i cili nga Prokuroria akuzohet se ka kryer dy vepra penale.
Sipas Prokurorisë, Ehat Oreshka ka kryer veprat penale, falsifikim i dokumentit dhe legalizim i përmbajtjes së rreme.
Oreshka sipas prokurorisë ka falsifikuar dhe përdorur dokumentin e automjetit, i cili ka qenë në pronësi të babait të tij të ndjerë, A. Oreshka.
Në deklaratat e Oreshkës të përshkruara në aktakuzë gjatë procedurave të hetimit thuhet se i pandehuri Ehat Oreshka nuk i ka mohuar asnjëherë veprimet inkriminuese.
“Është e vërtetë se të njëjtin automjet e kam sjellë nga Suedia, mirëpo për shkak se nuk kam mundur ta regjistroj me tabela të regjistrimit të Kosovës, unë e kam ndryshuar dokumentin me qëllim që të njëjtin ta regjistroj”, thuhet në aktakuzë.
Të tjera
-
Ngjarjet e datës 15 maj
Në Gjykatën Themelore në Prishtinë me rastin e vrasjes së politikanit serb, O...
-
Fatmir Limaj nesër mban konferencë për media, arsyeja nuk dihet
Kryetari i NISMA’s, Fatmir Limaj, nesër do të mbajë konferencë për media në o...
-
Presidentja Osmani, liderja më e besuar në rajon
Presidentja e Republikës së Kosovës, Vjosa Osmani, është liderja më e besuar ...
-
Muhaxheri: LVV dhe PDK janë marrë vesh për datën e zgjedhjeve, më së largu më 7 korrik
Nënkryetari i Lidhjes Demokratike të Kosovës, njëherësh kryetari i Pejës, Gaz...
-
Çitaku: Shkuarja në zgjedhje përmes dorëheqjes së kryeministrit Kurti nuk po duket opsion real
Sekretarja e përgjithshme e Partisë Demokratike të Kosovës, Vlora Çitaku, ka ...
-
Bislimi takon ministrin e BE-së të Hungarisë, flet për synimet e Kosovës për integrime evropiane
Takimi i fundit i vizitës zyrtare në Budapest i zëvendëskryeministrit të parë...
-
Sveçla pas operacionit në Veri: Mbetjet krim*inale të Radojçiqit po i ç’rrënjosim nga veriu i vendit tonë
Në Veri janë konfiskuar sasi e madhe e armatimit që dyshohet se kanë mbetur n...
-
Historiani Noel Malcolm: Kushtëzimi i anëtarësimit të Kosovës në KiE me Asociacionin është një qasje e padrejtë
Një ditë më parë në Konsullatën e Kosovës në Nju Jork u shfaq filmi dokumenta...
-
Lëndohet shoferi i një kamioni në Ferizaj, një sasi e dheut ia zuri këmbët
Një person në Ferizaj është lënduar në vendpunishte derisa po shkarkonte dheu...
-
(PAMJE) Policia gjen arsenál ármátimi në veri të Kosovës, ndalohet një ish-zyrtar policor
Autoritetet e Kosovës kanë thënë të martën se kanë konfiskuar sasi të konside...
-
Në Zveçan u kap sasi e madhe e muni*cionit, flet Drejtori i Policisë: Pranuam informatë edhe nga AKI
Gazmend Hoxha, Drejtor i Përgjithshëm i Policisë së Kosovës, në një konferenc...
-
KFOR-i turk e kryen trajnimin për kontrollin e tráziráve të turmës në kampin Bondsteel
Misioni i NATO-së, KFOR, ka bërë të ditur se Njësitë turke nga Komanda Rajona...