Lajme

FSK-ja shkon edhe në veri

Autori: Sylejman Sylejmani 15:48 | 18 October 2018

Projektligjet të cilat u miratuan para pak kohe në Kuvendin e Kosovës, do t’ia mundësojnë Forcës së Sigurisë së Kosovës të shkojë edhe në veri.

Neni 4 pika 1 e projektligjit për FSK-në, thotë se “Forca e Sigurisë së Kosovës mbron integritetin territorial, qytetarët, pronën dhe interest e Republikës së Kosovës”, raporton Gazeta inFokus.

Se FSK do të shkojë edhe në veri, e ka konfirmuar për inFokus kryetari i komisionit për mbikëqyrjen e saj, Haxhi Shala.

-Advertisement-

Shala ka thënë se Forca e Sigurisë do të shkojë në pjesën më të ndjeshme të vendit kurdo që ka nevojë.

“Në moment që ëshë aty në mbrojtje të territorit të Kosovës, normal që ajo e mbron territorin e Kosovës, territor i joni është edhe veriu. Për vërshime, zjarre, për gjithçka që e cenon sigurinë e qytetarëve të Republikës së Kosovës duhet të ftohet të shkojë dhe ti mbrojë qytetarët tanë”, ka theksuar Shala.

Megjithatë, kështu nuk mendon edhe eksperti i sigurisë, Naim Maloku.

Ai thotë se Forca e Sigurisë nuk mund të operojë në veri pa pasur një marrëveshje paraprake.

“Në tërë territorin e Kosovës që e kemi me kushtetutë FSK-ja mund të veprojë, me përjashtim të veriut. Në momentin që e bëjmë një marrëveshje me Serbinë, atëherë do të shtrihej FSK-ja në veri. Pa këtë marrëveshje FSK-ja nuk do të operojë në veri. Me ligj është territor i Kosovës, por krejt varet nga marrëveshja që presidenti Hashim Thaçi do ta bëjë me Aleksandër Vuçiqin”, thotë Maloku. /Gazeta inFokus

Subscribe në YouTube: GAZETA INFOKUSI