Lajme

Haskuka: Minat vështirësuan shuarjen e zjarrit në Bjeshkët e Pashtrikut

Autori: Gazeta inFokus 10:51 | 03 October 2018

Kryetari i komunës së Prizrenit Mytaher Haskuka, në emisionin “Zyra e Ankesave”, në RTV Dukagjini ka folur për zjarrin që ka kapluar Bjeshkët e Pashtrikut.

Haskuka tha se zjarri në Bjeshkët e Pashtrikut, ka rreth një javë që është hapur, ndërkaq për momentin nuk ka zjarr aktiv.

Ai tha se problem kryesor për zjarrfikësit në zonat e larta të Pashtrikut, janë zonat e minuara.

-Advertisement-

“Rreth një jave po bëhet që ka zjarre në Bjeshkët e Pashtrikut. Në zonat e ulëta intervenimi ka qenë i menjëhershëm dhe zjarri është fikur. Ditën e dytë ka pasur prapë zjarre por, prapë pas intervenimeve është kontrolluar zjarri. Ndërsa dje e pardje ka pas zjarr në zonat e larta të Pashtrikut, e në atë zonë ka mina kështu që zjarrfikësit kanë probleme të intervenojnë në ato zona. Është pak problem aty. Me sa fola me drejtorin e emergjencave në mëngjes, më tha që zjarret janë nën kontroll dhe nuk ka zjarr aktiv”, ka thënë Haskuka.

Ai po ashtu sqaroi aludimin që ka pasur sa i përket zjarrëvënies së qëllimshme nga faktori njeri në këto zona.

“Zjarret janë përhap në zona të ndryshme, dhe nuk ka pas arsye tjetre pos faktorit njeri. Dje ka qenë në katër vende zjarri, nuk ka pas erëra të forta që të çoj zjarrin nga një vend në tjetrin. E kjo tregon që njerëzit e kanë bërë”, theksoi ai.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy