Lajme

Rritet numri i të sëmurëve nga zemra, QKUK ka trajtuar rreth 5 mijë persona

Autori: Gazeta inFokus 14:12 | 28 September 2018

Rreth 5 mijë persona me probleme me zemër kanë kërkuar ndihme mjekësore gjatë këtij viti në QKUK.
Kështu ka thënë përfaqësuesi i QKUK, Tefik Bekteshi në konferencën për medie të organizuar në Ditën Botërore të Zemrës, shkruan gazeta inFokus.

““Në Kardiologji kemi 4.468 pranime, duke shtuar edhe 740 pranime në kardiologji dhe kardiologji invazive, pra një numër që flet vet. Kemi 153 operime në këtë vit, nëse krahasojmë me vitin e kaluar kemi pas 99 operime me zemër të hapur, pra çka është një ngritje prej 160 përqind. Deri në këtë ditë kemi bërë 1780 koronografi, krahasuar me vitin e kaluar kanë qenë 845, pra është rritë dy herë e gjysmë më shumë, janë realizuar 1010 stentime, domethënë procedura, gjegjësisht implementuar 1222 stenda, pra kjo është një ngritje nga viti i kaluar ku kanë qenë 55 procedura, për 200 përqind“, ka thënë ai.

Ndërsa drejtori i Institutit Kombëtar të Shëndetit Publik, Naser Ramadani ka thënë se çdo vit në botë vdesin nga 17 milionë njerëz.

-Advertisement-

“Sot në botë nga sëmundjen vaskulare praktikisht çdo vit shkaktojnë 17 milionë vdekje dhe deri në vitin 2030 është parashikuar të vdesin nga sëmundjet vaskulare rreth 23 milionë njerëz, këto sëmundje shkaktohen nga një sërë faktorësh duke filluar karakteristikat sociale-mjekësore, nga presioni i lartë i gjakut, nga kolesteroli i lartë, nga obeziteti, diabeti dhe faktorët e mënyrës së jetesës. Duke pasur këtë parasysh dhe duke llogaritur uljet modeste të tensionit të gjakut, obozitetit, kolesterolit dhe konsumimit të duhanit në gjithë popullsinë, ne në programe parandaluese, trajtuese dhe rehabilituese, mund të përgjysmojmë të gjitha rastet e sëmundjeve kardiovaskulare të cilat në një përqindje të lart luajnë një rol të konsiderueshëm dhe brengosës në patologjinë kosovare“, ka thënë ai./inFokus