Auto&Tech

Telefonat Android mbledhin dhjetë herë më shumë të dhëna se telefonat iOS

Autori: Gazeta inFokus 16:53 | 04 September 2018

Universiteti Vanderbilt në Nashville pohon se telefonat Android mbledhin pothuajse dhjetë herë më shumë të dhëna sesa telefonat iOS.

Studimi i kryer nga profesori i universitetit Douglas C. Schmidt, analizoi të dy mënyrat aktive dhe pasive në të cilat Google mbledh të dhëna për përdoruesit e tyre, duke vënë në dukje se metodat e mbledhjes pasive shpesh janë anashkaluar në studime të ngjashme të mëparshme.

Metoda të tilla të grumbullimit të të dhënave përfshijnë përdorimin e platformave të tilla si Android dhe Chrome, aplikacione të tilla si Search, YouTube dhe Maps, së bashku me veglat e botuesit si Google Analytics dhe AdSense.

-Advertisement-

Hulumtuesit gjetën telefonin pasiv Android që kishte Chrome të aktivizuar në prapavijë duke dërguar informacionin e vendndodhjes në Google, 340 herë gjatë një periudhe 24-orëshe, një normë dukshëm më e lartë në krahasim me iOS të Apple.

Megjithatë, sipas Mashable, Google ka kundërshtuar studimin, duke thënë se ai përmban informacione gjerësisht mashtruese.

“Nuk është e qartë se çfarë po nënkupton Google me ‘informacione gjerësisht mashtruese’ ka deklaruar Schmidt, kështu që pa më shumë detaje rreth asaj se çfarë informacioni është ‘mashtrues’ nuk është e mundur të japësh një përgjigje kuptimplote”.

Më parë këtë vit, një grup avokues ndërmorri aksione ligjore kundër Google në emër të përdoruesve të iPhone në Mbretërinë e Bashkuar, duke argumentuar se kompania ka mbledhur të dhëna të paligjshme nga telefonat e tyre ndërsa ata kanë përdorur shfletuesin Safari të Apple.