Lajme

Veteranët e rrejshëm mund të dënohen nga gjashtë muaj deri në dy vite burgim

Autori: Gazeta inFokus 09:26 | 26 August 2018

Mbi 22 milionë euro vlerësohet se e kanë dëmtuar buxhetin e Kosovës veteranët e rrejshëm vetëm gjatë periudhës janar – korrik të këtij viti nëse konfirmohen pretendimet e prokurorit të dorëhequr Elez Blakaj se në listat e veteranëve janë mbi 19 mijë veteranë të rrejshëm.

Analisti politik Ramush Tahiri ka treguar se nëse konsiderohet se ka veteranë të rrejshëm dhe veprën që kanë bërë ata është penale, atëherë ata mund të dënohen me një ose dy vjet burgim.

“Kriteret për veteran janë të caktuar në bazë të ligjit dhe duhet të shikohen a janë plotësuar ato. Gjyqi e përcakton çfarë masa ligjore duhet të merren dhe nëse duhet të dënohet dikush, nëse ka bërë vepër penale ose kundërvajtëse. Nëse është vepër kundërvajtëse dënohet deri në gjashtë muaj, nëse është vepër penale mund të dënohet një vit, dy vjet, varet dhe po ashtu a përcillet masa me kompensim, pra kthim të parave që kanë fituar në mënyrë të paligjshme”, ka thënë ai për “Zërin”.

-Advertisement-

Sipas tij, momentalisht nuk është mbajtur asnjë proces ligjor ndaj askujt, as ndaj atyre që i kanë bërë listat dhe as ndaj atyre që kanë fituar.

Tahiri ka shtuar se lloji i veprës përcaktohet nga gjykata, e cila pastaj vendos se çfarë mase merret ndaj veteranëve.

Subscribe në YouTube: GAZETA INFOKUSI
Etiketa:
Black Friday ne Artmotion
-Advertisement-

Të tjera

Fokusi

lajme