Lajme

Mediat serbe shkruajnë për idenë e Hashim Thaçit për korrigjim të kufijve

Autori: Gazeta inFokus 22:40 | 08 August 2018

Korrigjimi i kufijve, apo bashkimi i Luginës me Kosovën është shtuar mjaft shumë në diskursin e presidentit të Kosovës, Hashim Thaçi.

Kjo nuk po kalon pa u vërejtur edhe nga mediat e Beogradit.

Blici serb deklarimet se Presheva, Bujanoci dhe Medvegja do t’i bashkohen Kosovës, po i sheh si provokime të presidentit Thaçi.

-Advertisement-

Ky i fundit në konferencën e sotme deklaroi se do të ndryshohej edhe Kushtetuta, madje do të mund të organizohej referendum, në mënyrë që Lugina të bëhet pjesë e Kosovës.

“Thaçi provokon. Serbët nuk do të marrin asgjë, por ne e duam Preshevën, Medvegjën dhe Bujanocin”, është titulli i gazetës serbe Blic, transmeton lajmi.net.

Thaçi sot gjatë ditës nuk ka parë asgjë të keqe që edhe të ndryshohet Kushtetuta e Kosovës.

“Kushtetuta e Kosovës ka ndërruar qe tri herë pas pavarësisë, prandaj nuk është ndonjë mëkat nëse ndryshon kushtetuta edhe bashkëngjitet Lugina e Kosovës. Çka ka të keqe këtu? Nëse Kuvendi i Kosovës nuk është i gatshëm të bëjë këtë, atëherë referendumi është kategori kushtetuese”, ka thënë Thaçi

Deklaratat e Thaçit për bashkimin me Luginën dhe korrigjimin e kufijve, po vlerësohen edhe si mundësi për ndarje të Kosovës.

Këtë opsion madje zyrtarë të lartë serbë e kanë pëlqyer qysh para shumë kohësh. Janë ministrat serbë si Daçiq e Vulin që kanë vlerësuar se ndarja e Kosovës, do të ishte zgjidhja më e mirë për Serbinë.

Por presidenti vazhdimisht e ka mohuar se korrigjimi i kufijve ka të bëjë me ndarje.

Subscribe në YouTube: GAZETA INFOKUSI