Lajme

Krasniqi: Kompromisi, një zëvendëspresident serb

Autori: Gazeta inFokus 10:12 | 04 August 2018

Shkëmbimin e territoreve mes Kosovës dhe Serbisë, si mundësi kjo e përmendur javëve të fundit që mund të ndodh në fazën finale të dialogut, e sheh të pamundshme analisti, Agim Krasniqi.

Ai në një intervistë për KosovaPress, thekson se edhe deklaratat e fundit të liderëve andej e këndej kufiri, për një formulë të tillë në fund të këtij procesi, kanë qenë për konsum publik, por jo si të realizueshëm. Krasniqi ka folur edhe për marrëveshjen përfundimtare dhe çmimi që do të mund të paguante Kosova si kompromis me palën serbe. Derisa ka kërkuar unifikimin e spektrit politik për këtë proces, meqë këtu vendoset fati i Kosovës dhe qytetarëve të saj.Krasniqi nuk e sheh rrezik as mundësinë që përmes procesit të bisedimeve Serbia të marrë liqenin me të madh artificial në Kosovë, atë të Ujmanit.

Por, analisti Krasniqi e sheh vetëm një kompromis që do të bëhet në fazën finale të dialogut. Sipas tij, serbët përfaqësohen në të gjitha institucionet me të larta shtetërore, duke pasur nënkryetarin e Kuvendit, zëvendëskryeministrin dhe tani ka mbetur vetëm institucioni i presidencës në të cilin nuk janë të përfaqësuar.Madje, Krasniqi mendon që nuk do të sillte ndonjë problem nëse do të kishte edhe një zëvendëspresident nga komuniteti serb.

-Advertisement-

Duke komentuar deklaratat e ambasadorit amerikan në Kosovë, Krasniqi tha se ato kanë qenë në funksion të dialogut dhe jo se mund të ketë lëkundje të qëndrimit amerikan për shkëmbim territoresh.Krasniqi është i bindur se Kosova nuk do të dëmtohet nga ky proces. Kjo për faktin se sipas tij, edhe faktori ndërkombëtar tashmë e ka kuptuar se i vetmi element për influencë në këtë pjesë të Ballkanit janë shqiptarët.

Subscribe në YouTube: GAZETA INFOKUSI