Lajme

SBASHK të pakënaqur me Projektligjin për pagat

Autori: Gazeta inFokus 13:16 | 21 June 2018

Kryetari i SBASHK-ut, Rrahman Jasharaj është shprehur i pakënaqur me rangimin në tabelorin e Projektligjit për pagat.

Ai në takimin e mbajtur me Ministrin Arsimit, Shyqiri Bytyqi, ka thënë se mësimdhënësit nuk janë radhitur në vendin meritor dhe kërkon që këto lëshime të përmirësohen, shkruan GazetaFokus

Jasharaj paralajmëroi se nëse kjo nuk realizohet, do të ketë reagime dhe veprime sindikale si shprehje e pakënaqësisë dhe kundërshtimit ndaj versionit, në lidhje me këtë Projektligj. Kjo për shkak se nga 73 grupet e pozitave në tabelor, punëtorët e arsimit janë ranguar në pozicionet 60, 61 dhe 63 duke i barazuar kështu me profesionet për të cilat kërkohet vetëm arsimi i mesëm.

-Advertisement-

SBASHK-u uron që këto lëshime të përmirësohen dhe punëtorët e arsimit të jenë të ranguar në vend meritor, për të mos pasuar reagimet. Ndryshe, projektligji për pagat bashkë me dy projektligje të tjera të Ministrisë së Administratës Publike janë në diskutim publik deri më 28 qershor./GazetaFokus

Subscribe në YouTube: GAZETA INFOKUSI