Në Kuvendin e Kosovës ia treguan dhëmbët njëri tjetrit. Nënkryetari Xhavit Haliti e deputeti Arben Gashi pos sharjeve e ofendimeve edhe u përplasën fizikisht.

Në përballjen mes tyre në Kuvend nuk u duk se ndonjëri nga ta është më i fortë se tjetri falë intervenimit të deputetëve, që ndalën rrahjen e tyre, shkruan Fokus

Por jashtë tij duket se Xhavitit Haliti është shumë më i ”fuqishëm”, të paktën me pasuri.

-Advertisement-

Nënkryetari i Kuvendit, ka deklaruar se posedon goxha pasuri të luajtshme e të paluajtshme. Ai ka deklaruar një toke pyjore prej 4 hektarëve në vlerë prej 20 mijë euro të blerë në vitin 2014. Po ashtu edhe një tokë tjetër bujqësore po prej 4 hektarësh në vlerë prej gjysmë milioni euro. Haliti ka deklaruar edhe dy shtëpi me nga 250 metra katrorë që së bashku kapin vlerën e 500 mijë eurove si dhe një banesë prej 94 metrave katrorë me vlerë prej 200 mijë eurove.

Por Xhavit Halite nuk ka vetëm shtëpi, banesë e toka. Ai duket se është edhe adhurues i arit.

25 mijë euro kapë vlerën dukati që ka Xhavit Haliti dhe bashkëshortja e tij.

Por veç kësaj Haliti ka edhe goxha para në bankë. Në dy llogari ai ka gjithësej 133 mijë euro.

Si radhë kush ky nuk ka obligime financiare ndaj ndonjë banke a institucioni tjetër financiar.

E krejt të ardhurat Xhavit Haliti I realizon nga Kuvendi I Kosovës.

Ai merr një page vjetore prej 27 mijë euro dhe mëditje diku 3 mijë euro, shkruan Fokus.

Page vjetore nga kuvendi merr edhe Arben Gashi por jo sa rivali i tij politik.

Deputeti I LDK që së fundmi u pa duke u “hangër” me Xhavit Halitin ka një pagë vjetore nga Kuvendi prej 18 mijë eurove.

Por ky bënë edhe një punë tjetër. Arben Gashi si ligjerues në Kolegjin AAB realizon të hyra prej 7700 eurove në vit.

Të hyra në familje sjell edhe bashkëshortja e Gashit e cila punon në Bankën Qendrore për një pagë prej 21 mijë eurove.

Në familje para sjellin edhe prindërit e Gashit. 2100 euro ata marrin pension nga Buxheti I Shtetit.

Arben Gashi nga kursimet ka blerë një veturë në vlerë prej 10 mijë euro, transmeton Fokus.

Gjithashtu deputeti I LDK ka deklaruar në Agjencinë Antikorrupcion posedimin edhe të një shtëpie prej 350 metrave katrorë por që e ka vlerësuar në vlerë prej 150 mijë euro./GazetaFokus.

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-