Lajme

Vulin akuzon Haradinajn për krime në Serbi e Kosovë

Autori: Gazeta inFokus 16:25 | 03 June 2018

Deklarata e sotme e kryeministrit të Kosovës, Ramush Haradinajt se “Kosova do të pranojë pajtimin me Serbinë në këmbim të njohjes së pavarësisë”, ka nxitur reagime në Serbi.

Ministri serb i Mbrojtjes, Aleksandar Vulin, siç raportojnë mediat serbe, duke komentuar deklaratën e kryeministrit të Kosovës, i ka shtruar atij një pyetje ironike “A e ke menduar vetë këtë, apo të ka ndihmuar dikush?”.

Ministri serb, sipas parimit “mbrojtja më e mirë është sulmi”, ka bërë akuza në adresë të Kosovës, duke numëruar një varg krimesh ndaj serbëve gjatë luftës në Kosovë, e që në fakt të gjitha këto krime kryesisht i kanë kryer forcat ushtarako-policore edhe paramilitare serbe ndaj popullatës civile shqiptare.

-Advertisement-

“Fillimisht keni përdhunuar dhe vrarë gra dhe fëmijë, keni djegur fshatra, plaçkitur prona, keni vrarë policë dhe ushtarë dhe keni pëerndjekur 250 mijë njerëz nga shtëpitë e tyre, shkatërruat dhjetëra kisha dhe manastire, u përpoqët ta ndani në mënyrë të paligjshme një pjesë të Serbisë, keni shkelur çdo fjalë që keni dhënë në dialogun e Brukselit dhe tani jeni kujtuar t’i kërkoni që Serbia të pranojë të gjitha këto dhe të njoh, madje edhe kërkon pajtim për konfliktin që nuk e ka kërkuar apo shkaktuar”, tha Vulin.

“Dhe më lejoni të përsëris pyetjen nga fillimi: A e ke menduar vetë këtë, apo të ka ndihmuar dikush?”, tha ministri i serb i Mbrojtjes.

Subscribe në YouTube: GAZETA INFOKUSI
Etiketa:
Studio MASTER në UNI, Merr Diplomë dhe lejeqëndrim t’përhershëm në GJERMANI
-Advertisement-

Të tjera

Fokusi

lajme