Lajme

Zhdukja e Ukshin Hotit: Djali i tij thotë se është bërë shumë pak për të pagjeturit

Autori: Gazeta inFokus 19:04 | 22 May 2018

Deputeti i Kuvendit të Kosovës, Andin Hoti, i biri i veprimtarit Ukshin Hoti i rrëmbyer dhe zhdukur nga okupatori serb në 1999, ka thënë se autoritetet e vendit kanë bërë shumë pak në zbardhjen e rastit të babait të tij.
Hoti deklaroi në Klan Kosova se është faktori ndërkombëtar ai i cili duhet të marrë hapa konkret në zbardhjen e këtij rasti e po ashtu dhe rasteve të tjera, krime të luftës të kryera ndaj shqiptarëve në Kosovë.

”Burgun e Dubravës e mbaj mend shumë mirë. Siç dihet botërisht data kur babi im është liruar nga burgu ishte 16 maj ditë e diel”.

”Çdo herë 16 maji e 19 maji për ne familjarët janë ndër ditët më të vështira. Është bërë shumë pak në zbardhjen e drejtësisë (për të mos thënë hiq) sa i përket rastit të babait tim e po ashtu dhe krimeve të tjera ndaj shqiptarëve”.

-Advertisement-

”Është bërë shumë pak edhe për të zhdukurit por edhe përfshirë masakrën e Dubravës. Është faktori ndërkombëtar ai që duhet të ketë rolin kryesor në këtë drejtim”.

”Kjo duhet të ndodhë në mënyrë që të qartësojë rastet e të gjitha masakrave që kanë ndodhur në Kosovë”.

I pyetur nëse çështja e zhdukjes së veprimtarit Ukshin Hoti duhet përfshirë në dialogun Kosovë – Serbi, i biri i tij Andin Hoti tha:

”Po të gjitha rastet që kanë ndodhur, krimet që kanë ndodhur në Kosovë çështja e të zhdukurve duhet të futen në dialog me Serbinë. Duhet dialoguar gjithnjë për krimet e kryera nga ta në Kosovë”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy