Lajme

Thaçi: Macron dhe Merkel, promotorët e anëtarësimit të Kosovës në BE

Autori: Gazeta inFokus 12:08 | 17 May 2018

Presidenti Thaçi dhe kryeministri Haradinaj janë takuar edhe me presidentin francez, Emmanuel Macron, në Samitin e Sofjes.

Përmes një postimi në llogarinë e tij në facebook, presidenti Thaçi ka thënë se presidenti francez dhe kancelarja Merkel janë promotorët më të mëdhenj të anëtarësimit të Kosovës dhe shteteve të Ballkanit Perëndimor në Bashkimin Evropian.

“Bashkë me kryeministrin Haradinaj kishim një bisedë shumë të mirë me presidentin francez, Emmanuel Macron, i cili bashkë me kancelaren Merkel janë promotorët më të mëdhenj të anëtarësimit të Kosovës dhe shteteve të Ballkanit Perëndimor në Bashkimin Evropian. Me vizionin dhe përkushtimin e tyre i kanë dhënë shpresë të gjitha vendeve tona. Franca e ka mbështetur popullin e Kosovës në gjithë rrugëtimin tonë të gjatë për liri, pavarësi, shtetndërtim dhe në forcimin e perspektives euroatlantike”, ka shkruar Thaçi.

-Advertisement-

Subscribe në YouTube: GAZETA INFOKUSI