Sport

Finalja e Ligës së Kampionëve, konfirmohet lajmi që i pëlqen çdo shqiptari

Autori: Gazeta inFokus 18:19 | 08 May 2018

Ajo mbase nuk është tifozja më e madhe e Champions League, por Dua Lipa ka premtuar të japë paraqitjen më të çmendur të historisë në finalen e Uefa Champions League.

22-vjeçarja do të bëjë spektakël në NSC Olimpiyskiy Stadium të Kievit, më 26 maj në prag të ndeshjes me Liverpool dhe Real Madrid.

Ajo është betuar të sjellë në skenë fuqinë femërore dhe do të na mbajë të gjithëve të karikuar teksa ka premtuar shumë surpriza.

Duke folur për Press Association, këngëtarja ka shpjeguar se po pret me padurim të bëjë gjëra që nuk i ka bërë në skena të tjera.

-Advertisement-

“Është një skenë shumë e madhe, prandaj mendoj se do të jetë shumë qejf. Dua të mos tregoj shumë por do të jetë një festë e çmendur dhe të gjithë tifozët do të kërcejnë,” shprehet ajo.

“Është një paraqitje aq e madhe, pikërisht ashtu siç kërkoj unë pasi dua të përmirësohem gjatë gjithë kohës.”

Finalja e Uefa Champions League do të prezantohet nga Pepsi dhe do të zhvillohet më 26 maj.

Subscribe në YouTube: GAZETA INFOKUSI