Gara e djeshme ka rastis të zhvillohet në dy vjetorin e  pranimit të FFK-së në UEFA, ndaj dhe garën e bën më madhështore dhe Fusha e futbollit “Arena” në Pejë ishte mbushur me plotë çupulina në kuadër të garave që tashmë nëpër të gjitha rajonet  po i mbanë Federata e Futbollit e Kosovës në kuadër të strategjisë zhvillimore në realizimin e projekteve të ndryshme në partneritet me UEFA-në, qëllimi i të cilit është promovimi dhe masovizimi i futbollit tek të rinjtë, veçmas tek vajzat e reja, shkruan infokusi.

Kontribut të madh në realizimin e Projektit “Rekrutimi i vajzave të reja në futbollin shkollor”, po japin Shoqatat e Pedagogëve të Kulturës Fizike dhe Sportit në të gjitha komunat. Deri më tash garat janë mbajtur, në Prizren, Gjakovë, Ferizaj, Gjilan e Mitrovicë, ndërkaq sot janë  mbajtur në Pejë. Më shumë se një garë sportive ishte në këtë mini-festival të tetë ekipeve nga tetë shkolla fillore që morën pjesë në garat e sotme, pas një pune të jashtëzakonshme të Shoqatës së Pedagogëve të Kulturës Fizike në Pejë me profesorët e kësaj lënde mësimore nëpër shkolla duke bërë përzgjedhje gjatë garave.

Në përballjet e djeshme të këtyre vajzushave u tregua futboll plotë imagjinatë për moshën e tyre, duke dëshmuar disiplinë dhe frymë sportive si dhe respektim të vendimeve të gjyqtarëve që flet shumë për edukimin sportivë nëpër shkolla. Në finale u takuan ekipi nga shk.fill. “Sami Frashëri” dhe ai i shk.fill. “7 Shtatori”, ku vajzat e shkollës Sami Frashëri nga Ozdrimi u treguan shumë me të mira dhe ngadhënjyen me rezultat 2:1, e për të cilat profesorët thanë se me vite janë e fituese të garave të shkollave fillore në futboll  për komunën e Pejës.

Vendi i tretë i takoi ekipit të 28 Nëntorit. Të gjitha ndeshjet i drejtuan gjyqtarët e njohur Ilir Veseli, Ali Peshterri dhe u ndihmoi edhe Flakron Zekaj.  Nga ajo që pamë në këto ndeshje, mund të thuhet dhe konstatohet se Peja shumë shpejt do ta ketë një skuadër të femrave madje jo vetëm për të rritura por edhe për U-19 dhe U-16 sidomos kjo grup-mosha e fundit që korospondon edhe me qëllimin e këtij projekti. Madje pati interesim dhe bashkëbisedim se si të themelohen klubet e femrave.

Garat i ndoqën veç shkollarëve edhe një numër i madh i profesorëve. Nesër me garat në Prishtinë përmbyllet cikli i garave në 7 rajonet e Kosovës, ndërsa finalja e këtyre garave do të zhvillohet në ditët në vijim  ku do të marrin pjesë 7 ekipet fituese nga rajonet dhe përmbyllet projekti “Rekrutimi i vajzave të reja në futbollin shkollor”. Pas përfundimit të garave për këtë projekt u shprehen:

Kushtrim Munishi, përzgjedhës u Kombëtares U-19 dhe bartës i projektit

Në garat e deritashme në këto 6 rajone u tregua një interesim i madh. Një angazhim i madh i profesorëve të kulturës fizike si dhe gjatë këtyre garave pamë një interesim të madh, dëshirë e flakët e këtyre vashave të reja dhe dashuri për lojën e futbollit. Kjo na jep shpresë se futbolli i femrave në Kosovë po bëhet gjithnjë e më tërheqës dhe që premton një ardhmëri të mirë. Por, gjithsesi na duhet një punë e madhe dhe angazhim serioz si puna e këtij projekti. Ne shpresojmë se do të ketë edhe projekte të tjera me qëllime të tilla.

Agron Sheremeti, kryetar i Shoqatës së Pedagogëve të Kulturës Fizike Pejë.

Ky është një projekt shumë i qëlluar i FFK-së , që na ka ndihmuar shumë të shohim dëshirën por edhe njohurit për lojën e futbollit për femra. Unë i falënderoj edhe kolegët e mi që u angazhuan jashtëzakonisht për mbarëvajtje e këtyre garave. Unë besoj se ky nuk do të jetë projekti i fundit i FFK-së për këtë qëllim.

Rezultatet

1/8 e finales

Xhemajl Kada – Haxhi Zeka             0:2

Smajl Hajdaraj – 18 Nëntori                         1:3

Dardania  – 7 Shtatori                       0:2

Sami Frashëri – Asdreni                  4:0

Gjysmëfinalet

Haxhi Zeka – Sami Frashëri            1:3

28 Nëntori – 7 Shtatori                     0:1

Finalja

Sami Frashëri – 7 Shtatori               2:1

BKT Kosova vlerësohet për herë të tretë "Banka e Vitit 2023 në Kosovë" nga The Banker

Sponsoruar