Sipas Bankës Qendrore të Republikës së Kosovës(BQK) në fund të vitit që lamë pas numri i përgjithshëm i llogarive bankare në vend ka arritur në mbi 2.1 milionë

Shtrirja gjeografike e bankave komerciale në të gjithë territorin e Republikës së Kosovës ka ndikuar që qytetarët të kenë qasje më të lehtë në banka dhe rrjedhimisht pjesa më e madhe e tyre kanë llogari bankare, kartela bankare, kredi, etj.

Sipas Bankës Qendrore të Republikës së Kosovës(BQK) në fund të vitit që lamë pas numri i llogarive bankare në vend ka arritur në mbi 2.1 milionë.

-Advertisement-

Për më tepër, 98.40 për qind e numrit të përgjithshëm të llogarive bankare janë të rezidentëve, ndërsa vetëm 1.60 për qind janë llogari të jorezidentëve.

‘Krahasuar me periudhën e njejtë të vitit 2016, vitin e kaluar numri i përgjithshëm i llogarive bankare është rritur për 4.94 për qind’, thuhet mes tjerash në analizën e fundit tre mujore mbi përdorimin e instrumenteve të pagesave të BQK-së, duke shtuar se numri kaq i lartë i llogarive bankare mund të shpjegohet me faktin se një klient mund të ketë llogari në më shumë se në një bankë.

Terminalet ATM
Numri i përgjithshëm i terminaleve ATM (bankomatë) në fund tw vitit 2017 ishte 507 sosh. Të gjitha terminalet ATM që janë të instaluar në Kosovë ofrojnë funksionin e tërheqjes së parave, përderisa 172 prej tyre ofrojnë edhe mundësinë e deponimit.

Sipas Bankës Qendrore, pjesa më e madhe e bankomatëve është e koncentruar në qytetin e Prishtinës, kjo për shkak të numrit më të madh të qytetarëve dhe bizneseve në kryeqytet.

Terminalet POS
Terminalet POS (pikat e shitjes) u mundësojnë klientëve kryerjen e pagesave me kartela pa pasur nevojë për para të gatshme. Kjo është një mënyrë shumë e lehtë dhe e sigurt e kryerjes së pagesave për mallra, apo shërbime të ndryshme.

Në fund ë vitit të kaluar, numri i përgjithshëm i terminaleve POS ishte 12.084 dhe krahasuar me periudhën e njejtë të vitit paraprak terminalet e tilla janë rritur për 8.61 për qind.

Nga numri i përgjithshëm prej 11.501 terminale POS, 42.09 për qind e tyre janë në Prishtinë, 8.36 për qind në Ferizaj, 7.92% në Prizren, 6.82 për qind në Pejë, 4.93 për qind në Gjilan, 3.32 për qind në Mitrovicë dhe 3.27 për qind në Gjakovë.

2.114.806 është numri i përgjithshëm i llogarive bankare në Kosovë.
1.970.667 llogari bankare janë individuale.
144.045 janë llogari afariste.
98.40 % e llogarive bankare janë të rezidentëve.
1.60% e llogarive bankare janë të jorezidentëve
31.505 llogari bankare janë të jorezidentëve, prej të cilave 30.711 janë llogari individuale dhe 794 afariste.
4.94% është rritur numri i llogarive bankare për një vit në Kosovë.

 

507 është numri i përgjithshëm i bankomatëve në Kosovë.

Shpërndarja e bankomatëve në qendrat kryesore të Kosovës
36.52% në Prishtinë
6.45 % në Prizren
6.05% në Pejë
5.66% në Ferizaj
5.08% në Gjilan
4.30% në Mitrovicë
3.91% në Gjakovë
12.084 është numri i përgjithshëm i terminaleve POS(pika të shitjes) në Kosovë.

Shpërndarja e terminaleve POS në qendrat kryesore të Kosovës
42.09% në Prishtinë
8.36% në Ferizaj
7.92% në Prizren
6.82% në Pejë
4.93% në Gjilan
3.32% në Mitrovicë
3.27% në Gjakovë

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-