Ekonomi

Komunarët e Klinës ia mësyjnë Ulqinit

Autori: Gazeta inFokus 14:48 | 27 April 2018

Përderisa në tërë vendet e botës, për ditën e punëtorëve organizohen protesta ku kërkohet që të respektohen të drejtat e punëtorëve, në Kosovë kjo ditë festohet si mos më mirë.

Madje, për nder të kësaj dite organizohen mbrëmje e udhëtime të ndryshme jashtë vendit.

Puntorët e Komunës së Klinës kanë vendosur që 1 maj ta marrin rrugën për në Ulqin, shkruan Infokusi.com.

-Advertisement-

Komuna e Klinës, në krye me Zenun Elezajn ka shpallur tender në vlerë prej 1 mijë euro për shërbime trasnporti për të punësuarit në komunë, lidhur me vizitën në Ulqin për festën e një majit. Para këto që do të merren nga mjetet vetanake.

Kështu ka bërë të ditur vet Komuna, përmes njoftimit për nënshkrimin e kontratës që ka publikuar në faqen zyrtare të Komisionit Rregullativ të Prokurimit Publik.

Në njoftimin e publikuar në KRPP, thuhet se trasnporti do të kryhet për 60 punëtorë dhe se kohëzgjatja e kontratës është 3 ditë.

Për këtë tender kanë aplikuar 3 kompani, ndërsa fituese është shpallur kompania NTT ‘Florimi Trans”.

Kontrata është nënshkruar më 26 prill të 2018-ës./Infokusi