Kosovarët po i ikin bujqësisë
Autori: Gazeta inFokus 12:58 | 26 April 2018
Tokë ka, por nuk punohet. Banorët e vendit më të varfër në rajon dita ditës po largohen nga bujqësia.
Prej 415 mijë e 683 hektarë tokë të shfrytëzueshme bujqësore sa ka vendi, në vitin 2016 me kultura bujqësore janë mbjellë vetëm 187 mijë e 222 hektarë tokë. Pjesën më të madhe të kësaj toke, qytetarët po e lënë livadhe e kullosa, shkruan Infokusi.com.
Në bazë të dhënave të Ministrisë së Bujqësisë që ka siguruar Infokusi, prej tërë sipërfaqes së shfrytëzuar të tokës bujqësore, arat marrin pjesë me vetëm 45 për qind. Pjesa tjetër u përket livadheve e kullosave dhe kulturave shumëvjeçare.
“Nga gjithsej sipërfaqja e shfrytëzuar e tokës bujqësore, pjesa më e madhe i përket: livadheve dhe kullosave (përfshirë tokën e përbashkët) me 52.6 %; si dhe tokës së punueshme, ku arat marrin pjesë me 45.0 %, kulturat shumëvjeçare (pemët, vreshtat, fidanet) 2.1% dhe kopshtet 0.2 %”, thuhet në përgjigjet e MBPZHR.
Por, që nga viti i ardhshëm numri i qytetarëve që e punojnë tokën e merren me bujqësi pritet të rritet.
Kjo për faktin se në fund të 2018’ës, pritet të finalizohet projekti për vlerësimin e tokave me qëllim të përcaktimit të vlerës së tatimit në pronë. E nga tatimi do të lirohen vetëm ata që i punojnë tokat bujqësore, shkruan Infokusi.
Tatim për ata që nuk e punojnë tokën
Përfitime nga ky projekt do të kenë më së shumti banorët e rajonit të Prishtinës. Në bazë të regjistrimit të bujqësisë të realizuar në 2014-ën, toka më së shumti punohet në Prishtinë, pasuar nga Mitrovica dhe Peja.
Ndërsa, më së paku në Ferizaj.
“Regjioni i Prishtinës ka sipërfaqe më të madhe të tokës se punueshme –arat 49,945 ha, me pjesëmarrje prej 28% dhe po ashtu ka numër me te madh te ekonomive bujqësore (29,743 ). Pastaj radhitet regjioni i Pejës me 26,447 ha apo pjesëmarrje prej 15 % ne totalin e Tokave te punueshme – arat, dhe ka 13,840 ekonomi bujqësore.
Me numër me të vogël të hektarëve të tokës së punueshme paraqitet regjioni i Ferizajt me vetëm 14,837ha apo pjesëmarrje prej 8% dhe me numër më të vogël të ekonomive bujqësore(11,793)”, thonë në Ministrinë e Bujqësisë për Infokusin.
Rreth 150 mijë hektarë tokë me drithëra
E kulturat bujqësore që kultivohen më së shumti nga kosovarët po del të jenë drithërat, bimët farogjere, perimet e kultura të tjera. Ndërkaq, sipërfaqja e ujitur, të paktën një herë është 32 mijë e 237 hektarë.
“Nga gjithsej tokë e punueshme – ara (187, 222.87 ha), pjesa më e madhe është me drithëra 134, 570.91 ha (71.9 %); bimë foragjere me 28, 914.30 ha (15.4 %); perime (në fushë të hapur dhe në serra) me 8, 320.94 ha (4.4%); patate 3, 795.31 ha (2.0 %); bishtajore 3, 442.95 ha (1.8%); bimë industriale 388.91 ha (0.2 %); kultura të tjera 1, 122.53 ha (0.6 %) dhe tokë djerrinë 6,667.02 ha (3.6 %).”
Prej drithërave që kultivohen më së shumti në Kosovë
Nga llojet e bimëve qe me më së shumti kultivohen në Kosovë, janë gruri, misri, elbi, thekëra, tërshëra dhe drithëra të tjera kokërr, ndërsa prej bimëve foragjere kultivohen misri, sana, bari, jonxha e tërfili.
Në tokat bujqësore të vendit zënë vend edhe kulturat industriale, si luledielli, bimët aromatike dhe mjekuese.
Por, më së shumti këto toka janë të mbjella me pemë e perime. Mbi 20 lloje të ndryshme të pemëve e perimeve janë të mbjella në vend. Nga perimet dominojnë patatet e domatet, ndërsa prej pemëve më së shumti kultivohen mollët e dardhat, shkruan Infokusi.
“Perimet: Patate Domate Patëllxhan i zi Spec Kungull Kungull misiri Kërpudha Trangull Shalqi Pjepër Lakër Lulelakër Spinaq Sallatë Panxhar Rrepkë (rillkë) Majdanoz Presh (purri) Qepë Hudhër Fasule Bizele Bishtajoret tjera Karrota Perime tjera
Pemët: Molla, Dardha, Ftoni, Mushmolla, Kumbulla, Kajsia, Pjeshka, Qershia, Vishnja, Arra Lajthia, Dredhëza, Mjedra, Manaferra, Rrush për verë, Rrush tryeze, Gështenja, Boronica dhe Pemë tjera”, thuhet më tej në të dhënat e kësaj Ministrie. (Arjeta Shabani)/Infokusi/
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...