Sport

Nisin ethet e play-offit në IP Superligën e Kosovës

Autori: Gazeta inFokus 11:51 | 25 April 2018

Sot ( e mërkurë) me ballafaqimin në mes Sigal Prishtinës dhe Golden Eagle Yllit do të nis faza e play-offit në IP Superligën e Kosovës në basketboll. Kjo ndeshje do të zhvillohet me fillim nga ora 19:30 në Pallatin e Rinisë dhe Sporteve në kryeqytet, shkruan infokusi.

Ndërkaq të enjten do të luhet gjysmëfinalja tjetër ajo në mes Bashkimit dhe Rahovecit me fillim nga ora 19:30 në palestrën e sportit “Sezai Surroi” në Prizren.

LEXO EDHE: Heynckes flet para përballjes së kampionëve

-Advertisement-

Gjysmëfinalet e play-offit zhvillohen sipas formulës 1 vs 4, 2 vs 3. Plasmanin në finale e siguron ekipi që i pari arrin 3 fitore. Gjysmëfinalet zhvillohen sipas formatit 2-2-1dhe epërsinë e terrenit vendas e ka ekipi më lartë i plasuar në edicionin e rregullt.

Në finale të play-offit takohen ekipet fituese të gjysmëfinaleve. Kampion i Superligës shpallet ekipi që i pari arrin tri fitore. Finalja e play-offit zhvillohet sipas formatit vajtje – ardhje. Përparësinë e terrenit vendas e ka skuadra që ka qenë më mirë e ranguar në edicionin e rregullt dhe luan si vendas në ndeshjet 1 dhe 3 dhe ndeshjen eventuale 5. /infokusi.com