Lajme

‘Nuk ka zgjedhje parlamentare sivjet’

Autori: Gazeta inFokus 15:13 | 21 April 2018

Pavarësisht se LDK vazhdimisht po paralajmëron zgjedhje të parakohshme, deputeti i PDK-së, Elmi Reçica, është shprehur i vendosur se nuk do të ketë zgjedhje këtë vit.

Përkundrazi sipas tij, vendi duhet t’i përmbyllë shumë çështje të mëdha gjatë kërij viti, probleme këto që sipas tij tashmë kanë mbetur pa zgjidhje.

“Roli i opozitës është të kërkojë zgjedhje, jo vetëm në Kosovë, por kudo qoftë. Është komplet legjitime dhe pjesë e angazhimit të opozitës. Këtë vit unë nuk besoj që do të ketë zgjedhje dhe nuk do të ishte e mirë që të ketë zgjedhje. Kosova ka çështje të tjera për të zgjidhur, jo për të shkuar në zgjedhje”, ka deklaruar Reçica për “Zërin”.

-Advertisement-

I pyetur nga gazeta nëse PDK do të marrë pjesë në tryezën e thirrur nga LDK (ku do të diskutohet edhe për zgjedhje të parakohshme), Reçica ka thënë se ende nuk e kanë diskutuar një gjë të tillë, porse ka bërë të ditur se PDK është pro tryezave për të gjetur zgjidhje për çështje të ndryshme.

“Nuk kam marrë ende ftesë, nuk jam në dijeni, por sapo ta marrim ftesën do ta kemi qëndrimin tonë. Përndryshe, kudo që dialogohet për të gjetur zgjidhje më adekuate për çështjet që janë në interes të qytetarëve, PDK do të jetë aty”, ka theksuar ai.

Në anën tjetër, LDK gjatë ditës së djeshme ka njoftuar se të mërkurën do të mbahet “tryeza e përbashkët” e partive politike. Kjo tryezë siç ka njoftuar shefi i GP-së së LDK-së do të mbahet në njërën prej sallave të kuvendit të Kosovës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy