Sport

Bayern Munchen, sytë nga Morata nëse ikën Lewandowski

Autori: Gazeta inFokus 10:33 | 03 April 2018

Pavarësisht deklaratave të Rummenigges, se Bayern Munchen nuk do ta lejojë Lewandowskin të shkojë te Reali i Madridit, lëvizjet dhe vendosmëria e futbollistit për të veshur fanellën e skuadrës “merengues” ka bërë që te bavarezët të nisin kërkimet për zëvendësuesin e tij, në mënyrë që të mos gjenden të papërgatitur.

Sipas të përditshmes britanike “The Guardian”, sulmuesi ideal për të marrë vendin e Lewandowskit te kampionët e Gjermanisë është Alvaro Morata.

Sipas “The Guardian”, trajneri aktual i Chelseat, Antonio Conte nuk po i krijon shumë hapësira sulmuesit spanjoll dhe e sheh me sy të mirë mundësinë e kalimit të tij te klubi bavarez.

-Advertisement-

Por, Bayerni ka edhe një çështje për të zgjidhur. Atë të James Rodriguezit, kartonin e të cilit klubi bavarez ka vendosur që ta blejë përfundimisht nga Reali i Madridit. Operacioni do t’u kushtojë bavarezëve 55 milionë euro, që do të thotë se të dyja klubet duhet të nisin bisedimet dhe të gjejnë një marrëveshje në lidhje me këtë transferim.