Sport

Sonte super përballja, Juventus – Milan

Autori: Gazeta inFokus 11:41 | 31 March 2018

Lideri aktual i Serie A, Juventusi do të kërkojë të shënoj fitore kur ata e mirëpresin AC Milan sonte në mbrëmje, shkruan infokusi.

Juventusi arriti një barazim 0-0 ndaj SPAL, ndërsa skuadra e dytë në rënditje Napoli është vetëm dy pikë prapa Zonjës së Vjetër.

Një fitore kundër ekipit të Milanit do të ishte një hap para për skuadrën e Massimiliano Allegrit.

-Advertisement-

Giorgio Chiellini dhe Paulo Dybala mund të kthehen në formacionin e Juventusit. Hera e fundit që të dy palët u takuan në ligë, Juve kishte shënuar fitore me rezultatin 2:0.

Në anën tjetër Milani, ata janë një nga skuadrat me rezultatet më të mira në javët e fundit, rossonerët kanë fituar pesë ndeshjet e fundit në ligë. Pavarësisht nga humbja në Europa League nga Arsenal, Gennaro Gattuso ka përmirësuar Milanin edhe pse është në vendin e gjashtë në Serie A, ende janë në garë për Ligën e Kampionëve.

Herën e fundit në Serie A, AC Milan kishte nevojë për një gol të Andre Silva në minutën e 82-të për të mposhtur Chievon me rezultatin 3-2. Kuqezinjtë janë vetëm pesë pikë larg nga rivalët e Interit të cilët rënditen në vendin e katërt.

Milan me Andre Silva dhe Patrick Cutrone kanë dy sulmues në super formë, të cilët kanë qenë më meritorët pë ringritjen e skuadrës në kampionat.

Sigurisht ky pritet të jetë një takim interesant kur Juventus e pret Milanin në stadiumin ‘Allianz Stadium’ në Torino sonte ( e shtunë) me fillim nga ora 20:45. /infokusi.com

Subscribe në YouTube: GAZETA INFOKUSI