Lajme

Shefi i Listës Srpska-s tregon se a janë pajtuar për ta votuar demarkacionin

Autori: Gazeta inFokus 12:06 | 06 March 2018

Koalicioni qeverisës (PDK,AAK dhe Nisma) së bashku me deputetët e komuniteteve jo serbe dhe Lidhjen Demokratike të Kosovës kanë arritur t’i mbledhin 78 vota për ta votuar demarkacionin. Mirëpo, as kaq vota nuk mjaftojnë që i njëjti të ratifikohet në Kuvendin e Republikës. Kjo pasi për ratifkimin e Demarkacionit me Malin e Zi kërkohet vota e 2/3 të deputetëve të Kosovës.

Kushtetuta e vendit për marrëveshjet për territorin, paqen, aleancat, marrëveshjet ndërkombëtare kërkohet 80 vota të deputetëve të Kuvendit të Republikës së Kosovës.

Megjithë përpjekjen e shefit të qeverisë, Ramush Haradinaj që të bindet Lista Srpska për ta votuar, këta të fundit ende nuk kanë marrë ndonjë vendim. Shefi i Grupit Parlamentar, Igor Simiq ka thënë për “Indeksonline” se subjekti i tyre ende është në konsultime. “Ende s’ka asgjë të re”, ka thënë shkurt ai.

-Advertisement-

Ndërsa i pyetur për takimin që zhvilloi para disa ditësh me krerët e institucioneve, Simiq nuk dëshiroi të flas rreth kësaj çështje.

Ndryshe, kryetari i Kuvendit, Kadri Veseli deklaroi se seanca për shënimin e kufirit mund të mbahet edhe gjatë javës që vjen.

Ndërkohë, edhe ambasadori i Shteteve të Bashkuara në Kosovë , Greg Delawie ka porositur deputetët se ka ardhur koha t’i jepet fund ratifikimit të kësaj marrëveshjeje këtë javë.

“Deputetë, është koha që këtë javë ta sillni atë në vijën e fundit”, ka thënë Delawie.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy