Ekonomi

Kurti: Rritja e pagave hajni dhe vjedhje

Autori: Gazeta inFokus 11:57 | 01 March 2018

Deputeti i Vetëvendosjes, Albin Kurti në seancën e sotme të Kuvendit të Kosovës ka thënë se Kosova ka më shumë zëvendëskryeministra, ministra e zëvendësministra sesa që i duhen.

‘Kosova është vend relativisht i vogël me Qeveri të madhe, 5 zëvendëskryeministra 21 ministra dhe 70 zëvendësministra, duhet të zvogëlohet numri i zëvendëskryeministrave , ministrave dhe zëvendësministrave’, ka thënë Kurti.

Ai ka shtuar se rritja e pagave që bëri Qeveria e Kosovës është hajni dhe vjedhje

-Advertisement-

‘Të ia rrisësh pagën vetës është hajni, është vjedhje por kjo është pasojë e një fenomeni të hershëm. Edhe me këtë Qeveri ne nuk bëjmë ekonomi por vetëm financa’, ka shtuar ai.

Lideri i VV-së ka shtuar gjithashtu se rritja e pagave të Kryeministrit të Kosovës dhe kabinetit të tij po ndodhë kur në Kosovë shkalla e papunësisë është 32.9%.

Në Kosovë ¾ e të papunëve janë të papunë afatgjatë do të thotë më shumë se 12 muaj, 1/3 e të rinjve mes moshës 15 dhe 24 vjeç nuk janë as të punësuar as në shkollim e as në ndonjë trajnim. Shkalla e papunësisë në Kosovë është 32.9% mirëpo shkalla e punësimit është me e ulët vetëm 25.2% në raport me popullsisë”, ka thënë Kurti.

Në dhjetor të vitit të kaluar Qeveria e Kosovës mori vendim të rrisë pagat prej 100% për kryeministrin, zëvendëskryeministrat, ministrat, dhe pjesës tjetër të kabinetit qeveritar. Ndrësa ky vendim mori kritika të shumta./INFOKUSI

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

ekonomi