Ka disa ditë që pjesë të mëdha të Kosovës po përballën me reduktime të vazhdueshme të energjisë elektrike. Madje këto reduktime po zgjasin deri 5 orë dhe po përsëriten  disa herë brenda 24 orëve, shkruan Infokusi.com.

Qytetarët ende nuk kanë marrë një përgjigje për shkaktarët e reduktimeve. Ata vazhdojnë të mbesin në terr derisa Korporata Energjetike e Kosovës (KEK) dhe Operatori i Distribucionit KEDS po fajësojnë njëra-tjetrën se përgjegjësi e kujt është furnizimi i qytetarëve me energji elektrike.

Zëdhënësi i KEDS-it, Viktor Buzhala, ditë më parë ka thënë për medie se reduktimet po ndodhin pasi ka dalë nga prodhimi njësia B1 e KEK-ut.

-Advertisement-

Ai të hënën nuk ka dhënë informata lidhur me përgjegjësit për furnizim me energji elektrike të qytetarëve, megjithatë Infokusi është në pritje të përgjigjeve me shkrim nga Buzhala.

Lidhur me këtë deklaratë ka reaguar KEK-u duke e quajtur spekulim sepse sipas tyre KEK nuk mbanë përgjegjësin për furnizimin e qytetarëve me energji dhe ka prodhuar energji sipas planit të prodhimit.

Zëdhënësi i KEK-ut, Skender Bucollit, ka thënë se KEK-u ashtu siç edhe është i obliguar me kontratë po respekton rregullat e tregut në fuqi.

Ndëkaq, në institucionin përgjegjës për monitorimin e tregut dhe furnizimin me energji elektrike nga kompanitë përgjegjëse, thonë se ende janë duke kërkuar përgjegjësin që po i lë pa rrymë qytetarët.

Adelina Murtezaj Bajrami, zyrtare për Marrëdhënie me Publikun në Zyrën e Rregullatorit për Energji (ZRE), ka thënë për Infokusi se janë duke monitoruar dhe mbledhur të dhënë rreth devijimeve ndërsa janë zotuar që sapo të funksionalizohet bordi i ZRRE-së do të marrin masa.

Sipas saj, ende nuk ka të dhëna zyrtare nëse KEK-u apo KEDS-i ishin përgjegjës për ndërprerjen e energjisë elektrike.

“Pa u dëshmuar informatat, jo zyrtare që aktualisht posedon ZRRE, nuk mund të konfirmojë se cili nga operatorët ka devijuar nga nominimet e tyre për furnizim të rregullt me energji elektrike.

ZRRE në vazhdimësi monitoron aktivitetet e operatorëve të licencuar dhe përpiqet që të sigurohet se konsumatorët po marrin shërbime të energjisë elektrike të rregullta dhe pa ndërprerje”, ka thënë Murtezaj-Bajrami.

Në anën tjetër, KEK ka publikuar si dëshmi se ndërprerja e energjisë elektrike me 24 shkurt nuk ka ndodhur për fajin e tyre ka publikuar planin ditor të prodhimit të energjisë elektrike.

Me këto dëshmi thonë ti kenë njoftuar paraprakisht operatorët ne treg, në këtë rast ZRRE dhe KEDS/KESCO.

Dhe ky është realizimi i datës 24 shkurt 2018./INFOKUSI

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-