Kosova do të nisë rehabilitimin e hekurudhës nga Hani i Elezit deri në Fushë Kosovë. Me para të Bashkimit Evropian dhe të Bankës Evropiane për Rindërtim dhe Zhvillim (BERZh) ky projekt do të vazhdoi deri në kufi me Serbinë në Leshak.

Plotë 148 kilometra hekurudhë janë paraparë të  funksionalizohen në tri faza sipas projektit që do të kushtoi në total 195.4 milionë euro, të miratuar në vitin 2014 nga ky institucion financiar ndërkombëtar.

Të enjten kjo marrëveshje financiare është nënshkruar në Prishtinë ministri i Financave Bedri Hamza dhe Drejtoresha Menaxhuese për Evropën Qendrore dhe Juglindore e BERZH Charlotte Ruhe, shkruan Infokusi.

Sipas ministrit Hamza financimi i linjës që na lidh dy drejtimet me BE do realizohet nga BE, BERZh dhe banka e investime evropiane, shkruan Infokusi.

Kostoja e financimit 195,5 milionë euro që do realizohet në tri faza; faza e parë e projektit përshkon 64 km nga Hani i Elezit deri në Fushë Kosovë, BE do financojë 35,8 milionë donacion janë ndihmë për projektet financiare mjete a kthim, BERZh dhe banka evropiane me nga 19 milionë euro.

Fazë e dytë fillon nga fushë Kosova deri në Mitrovicë, BE ndan 17,2 milionë euro për punë fizike dhe do nënshkruhet marrëveshje muajt në vazhdim, MF dhe MIE përmes këshillit kombëtar do aplikojë për fazën e tretë që ka 42 km që shtrihet nga Mitrovica deri në kufi me Serbinë, vlera e fazës së tretë kap vlerën 24 milionë euro.

Qeveria e Kosovës fillimisht kishte kërkuar 77 milionë euro kredi nga BERZH por dy vite më vonë i janë aprovuar vetëm 52 milionë euro.

Projekti është pjesë e Rrjetit të Përgjithshëm të SEETO-s dhe do të mbështesë integrimin e Kosovës në tregjet rajonale dhe Evropiane.

“Kredia do të financojë rehabilitimin dhe përmirësimin urgjent të Linjës Hekurudhore nr. 10 të Rrjetit të SEETO’s brenda Kosovës, me gjatësi 148 km, nga kufiri me Serbinë në veri të Kosovës (stacioni Leshak) deri në kufi me IRJ të Maqedonisë (stacioni Hani i Elezit). Projekti do të zbatohet në tri faza dhe përbëhet nga rehabilitimi dhe përmirësimi i seksioneve si vijon: seksioni Fushë Kosovë – kufiri me IRJ të Maqedonisë, (Faza 1); seksion Fushë Kosovë – Mitrovice (Faza 2) dhe Mitrovice – kufiri me Serbinë (Faza 3). Kjo linjë hekurudhore është e vetmja lidhje hekurudhore operacionale që lidh rrjetin e brendshëm të Kosovës me rrjetin ndërkombëtar”, thuhet në projekt.

Kjo linjë është një nga linjat Pan-Evropiane, e cila fillon nga Salzburgu, dhe kalon nëpër Austri, Slloveni, Kroaci, Serbi, Kosovë, Maqedoni dhe përfundon në Selanik të Greqisë./Infokusi/

E treta e verteta, shpallet fituesi I trete I Lojes Shperblyese se Artmotion?

Sponsoruar