Lajme

Zbulimi i tumorit, së shpejti me një analizë gjaku

Autori: Gazeta inFokus 09:02 | 21 Janar 2018

Shkencëtarët kanë hedhur një hap të madh përpara drejt një prej prioriteteve kryesore të mjekësisë: një analizë universale gjaku për kancerin.

Një ekip i universitetit Xhon Hopkins testoi për herë të parë një metodë që dikton 8 lloje të sëmundjes. Vizioni final i tyre, sigurisht nëse teknologjia do të funksionojë siç pritet, është një test i detyrueshëm i përvitshëm që të zbulojë kancerin në fazat e para dhe të shpëtojë jetë.Ekspertët britanikë thanë se rezultatet e para të metodës së re janë shumë emocionuese.

Megjithatë, ata pranuan se ka nevojë për më shumë punë për të vlerësuar efektivitetin e diktimit të tumoreve në fazat e para.Tumoret çlirojnë gjurmë të vogla të ADN-së së tyre mutante dhe proteinat që krijojnë në gjak.

-Advertisement-

Analiza e re kërkon pikërisht këto, ose më saktë mutacione në 16 gjene që zhvillohen nga kanceri dhe 8 lloje proteinash që çlirohen.

Metoda e re u testua me 1 005 pacientë me kancer në vezore, mëlçi, stomak, pankreas, zorrën e trashë, ezofag, gjoks dhe mushkëri që nuk ishte përhapur në organe të tjera. Analiza zbuloi praninë e kancerit nga shqyrtimi i gjakut në 70% të rasteve.

Shkencëtarët thonë se metoda e re është ende në përmirësim e sipër, por nëse ajo do të mundësojë zbulimin e kancerit atëherë kur është ende e mundur të hiqet kirurgjikalisht, ndryshimi për pacientët do të ishte si nata me ditën.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy