Lajme

Dy prokurorë të ngarkuar për hetimin e vrasjes së Oliver Ivanoviqit

Autori: Gazeta inFokus 15:54 | 16 January 2018

Kryeprokurori i Prokurorisë Themelore të Mitrovicës, Shyqeri Syla, ka thënë se kjo prokurori ka nisur hetimet për vrasjen e liderit të serbëve të Kosovës, Oliver Ivanoviq.

Për hetimin e kësaj vrasjeje e cila ndodhi sot në mëngjes në Mitrovicë të veriut, para selisë së partisë së Ivanoviqit, tashmë janë angazhuar dy prokurorë të kësaj prokurorie.

“Vrasja e Oliver Ivanoviqit është duke u hetuar nga një ekip prej dy prokurorëve të Prokurorisë sonë, Nijazi Rexha dhe Jova Radoviq”, ka thënë Shyqeri Syla per KALLXO.com.

-Advertisement-

Ai tha se ende nuk ka asnjë të dyshuar për këtë vrasje.

Aktualisht, ekipi kosovar i ekspertëve të mjekësisë ligjore është duke kryer autopsinë e trupit të pajetë të Oliver Ivanoviqit.

Ndërkohë, Presidenti i Serbisë, Aleksandar Vuçiq, ka kërkuar përfshirjen e prokurorëve serbë në hetimin e vrasjes ndërsa ka thënë se edhe prokuroria serbe do ta kryejë një hetim paralel për këtë vrasje.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy