Lajme

Avokati i Azem Sylës: EULEX-i kërkon zgjatjen e misionit në emër të rastit “Toka”

Autori: Gazeta inFokus 13:48 | 09 January 2018

Në gjykimin e Azem Sylës dhe të tjerëve mungoi gjyqtarja Nora Bllaca që ishte pjesë e trupit gjykues në 30 seancat e mundësisë së veçantë hetuese.

E kjo gjë, sipas avokatit të Sylës, Besnik Berisha, po del të jetë vetëm një pretekst që misioni i EULEX-it të vazhdojë misionin e saj në emër të këtij rasti, shkruan Gazeta Intro.

“Realisht në këtë proces po ndodh një padrejtësi e madhe po zvarritet mbi 13 muaj fillimi i shërbimit gjyqësor përderisa ai po mbahet në paraburgim dhe siç duket EULEX-i ka ka synim me mbajt këtë rast deri në fund dhe pse jo me kërkuar zgjatjen e mandatit të saj në emër të këtij rasti dhe jo diçka tjetër dhe besoj se nuk do të ketë kushte të vazhdojë as javën që vjen edhe Gjykata duhet të vendosë lidhur me vazhdimin e masës së paraburgimit të rregull”, ka thënë Berisha për Gazeta Intro.

-Advertisement-

Tutje, Berisha ka thënë se do të masat e palës mbrojtëse do të merren duke u bazuar në ligj.

Prokuroria Speciale më 25 tetor ngriti dy aktakuza kundër 39 personave të ndryshëm, në mesin e të cilëve është edhe ish-deputeti i PDK-së, Azem Syla.

Aktakuza e parë, e parashtruar nga një prokuror ndërkombëtar i PSRK-së, është ngritur kundër 22 të pandehurve dhe përbëhet prej 46 pikave.

Të pandehurit akuzohen për veprat penale krim i organizuar, pastrim i parave, marrje e mitës, mashtrim i rëndë, mashtrim në detyrë, nxjerrje e vendimeve gjyqësore të kundërligjshme, keqpërdorim i pozitës zyrtare, legalizimi i përmbajtjes së falsifikuar dhe evazion fiskal.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy