Lajme

Fotoja me të cilën aktivistët po shpresojnë pajtimin në VV

Autori: Gazeta inFokus 23:59 | 06 January 2018

Në Lëvizjen Vetëvendosje, përçarja ka bërë që ndarja të duket e paevitueshme.

Por, më të dëshpruarit në këtë mes duket të jenë aktivisëtët e këtij subjekti politik, të cilët kanë besuar verbërisht në liderët e subjektit të tyre politik.

Nëse i lexon komentet në statuset e liderëve të VV të bëra në rrjetet sociale, e shikon se si shumë aktivistë u luten atyre, të thyer në shpirt që të pajtohen, dhe të mos e prishin partinë, shkruan gazetametro.net.Në shumë nga këto komente shkruhet ‘nuk do të ua falim, na e keni mbytuar shpresën…’.

-Advertisement-

Tani së fundmi nëpër rrjetet sociale ka filluar të shpërndahet një fotografi e vjetër, ku shihen së bashku disa nga lidershipi kryesor i Vetëvendosjes, para se të fillonte përçarja.

Përmes kësaj fotoje që aktivistët kërkojnë të shpërndahet sa më shumë, tentohet që të bindet lidershipi i kësaj partie, të lënë inatet anash dhe të bëhen bashkë si dikur.

Aty, në foto shihen së bashku, Albin Kurti, Shpend Ahmeti, Dardan Molliqaj, Visar Ymeri, Dardan Sejdiu, e Fisnik Ismaili.

Por, siç po rrjedhin gjërat, tani pranë Kurtit, më nuk do të jetë asnjëri prej këtyre të pestëve. Vendet e tyre do të zënë të ashtuquajturit ‘garda e vjetër’, si Liburn Aliu, Hysen Durmishi, Xhelal Sveçla, e Salih Zyba.

Subscribe në YouTube: GAZETA INFOKUSI