Sport

Spalletti i dëshpëron tifozët e Interit

Autori: Gazeta inFokus 17:04 | 04 January 2018

Trajneri i Interit, Luciano Spalletti, nuk dëshiron të diskutojë për tregun e transferimeve, duke insistuar se lojtarët që ka në dispozicion duhet ta dinë se ai është i bindur nga cilësitë e tyre.

“Zikaltrit” nuk do të jenë në gjendje të bëjnë investime të mëdha gjatë këtij muaji, sepse nuk guxojnë t’i shkelin kufizimet e Financial Fair Play (FFP), transmeton Express.

“Mënyra më e keqe për t’u lënduar është të vazhdosh të thuash se ne kemi nevojë për një fushatë të madhe të transferimeve, pasi klubi e ka bërë të qartë se ekzistojnë parametra të caktuar që duhet të respektohen. Nuk është në rregull dhe respektuese. Duke menduar për prurje të reja, e zvogëlojmë mundësinë për ta përmirësuar nivelin e skuadrës”, ka thënë Spalletti.

-Advertisement-

Ai ka shtuar se lojtarët e tij duhet të kuptojnë se ai e di që ata kanë cilësi.

“Kjo nënkupton se mund të planifikojmë për të ardhmen në mënyrën e duhur, pa keqkuptime. Këta lojtarë duhet ta dinë se unë jam i bindur nga cilësitë dhe potenciali që kanë”, ka shtuar ai.