Sport

Wenger rrëfen se si ua ndaloi çokollatën lojtarëve në ndeshjen e parë

Autori: Gazeta inFokus 17:57 | 28 December 2017

Arsene Wenger është menaxher i Arsenalit që prej vitit 1996. Sonte në ndeshjen ndaj Crystal Palace ai do të mbushë plot 810 ndeshje në krye të ‘Topçinjve’, shifër që barazon rekordin e legjendarit Sir Alex Ferguson te Manchester United.

Për 21 vitet e kaluara, Wenger ka treguar shumë ngjarje interesante. Ai thotë që para ca vitesh nuk do ta besonte që do të qëndronte kaq gjatë te Arsenali, por kjo u realizua me mund e sakrifica të mëdha.

-Advertisement-

“Më kujtohet kur pas ndeshjes së parë si trajner e pata ndaluar ngrënien e çokollatës për lojtarët para ndeshjeve. Gjithashtu e mbaj mend që pas ndeshjes, lojtarët në autobus brohorisnin së bashku me shaka duke kërkuar që t’ua lejoj çokollatën”, rrëfen Wenger.

Francezi, pas Fergusonit, është trajneri që ka qëndruar më së gjati në një klub anglez. Gjatë 21 viteve, ai ka drejtuar Arsenalin duke zbatuar me kokëfortësi filozofinë e tij për të zhvilluar lojtarët e rinj dhe për të krijuar ekipin pa shpenzuar shumë para.