Ministri i Punës dhe Mirëqenies Sociale, Skender Reçica në një konferencë të fundvitit ka prezantuar punën e të arriturat e Ministrisë dhe objektivat për mandatin e tij qeverisës, shkruan Infokusi.com.

Ministri Reçica ka folur për ndërmjetësimit në punësim që ka kryer kjo Ministri.

“Ministria e Punës dhe Mirëqenies Sociale ka ndërmjetësuar 2248 persona prej tyre 1134 janë punësuar të rregullt ndërsa 1114 persona janë përfshirë në masat aktive të tregut të punës “ ka thënë Reçica.

-Advertisement-

Ai ka treguar shtete më të cilat Kosova ka arritur marrëveshje për sigurimet sociale.

“Ministria e Punës dhe Mirëqenës Sociale tani ka përfunduar procedurat për dy shtete të Bashkimit Evropian rreth marrëveshjeve për sigurimet sociale, bëhet fjalë për shtetin e Zvicrës dhe Belgjikës”, ka thënë ai.

Duke folur për objektivat Reçica ka përmendura luftimin e papunësisë, punësimit e të rinjve, avancimin e kushteve të punës, sigurisë dhe shëndetit në punë, avancimin profesional , orientimin në karrierë dhe obligimin kryer punësim e një anëtari të familjes nëpër familjet që nuk kanë asnjë të punësuar.

Reçica gjatë kësaj konference tha se fillimi për aplikim për procesin e kompensimit të viktimave të dhunës seksuale në Kosovë është çështje kohe kur komisioni qeveritar do të filloj punën pasi kanë përfunduar të gjitha procedurat.

I pyetur rreth pagës minimale Reçica ka thënë se se shumë shpejtë do të ketë ngritje të pagës mesatare ndërsa nuk dha shifra vetëm se ajo do të jetë mbi 170 euro, shkruan Infokusi.com.

E për numrin e madh të vdekjeve të vendin e punës Reçica ka thënë se ka propozuar të krijohen ligje dhe kushte për punëdhënësin dhe punëmarrësin.

“Numri i madh i vdekje ne vendin e punës ka qenë shqetësimi im që nga marrja e mandatit. Nuk ka shumë financiare që do të kompensojë humbjen e një anëtari të familjes por në po punojmë në zvogëlimin e numrit të rasteve me fatalitet ne vendin e punës. Ne madje kemi propozuar që të krijohen ligje dhe kushte për punëdhënësit dhe punëmarrësit” ka shtuar Reçica.

Në fund të kësaj konference Reçica u pyet rreth vendimit të Qeverisë së Kosovës për rritje pagash kur në Kosovë aktualisht ekzistojnë rreth 25 mijë familje me asistencë sociale.

“Unë mendoj që ka qenë një vendim që është analizuar dhe bazuar “ ka përfunduar Reçica./INFOKUSI

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-