Ekonomi

Rritet për 33% importi i veturave të vjetra

Autori: Gazeta inFokus 14:47 | 25 December 2017

Në këtë vit është rritur numri i automjeteve të importuara për 33 për qind. Deri më tani janë importuar mbi 30 mijë automjete.

Zyrtarë doganorë këtë ngritje të importit e kanë arsyetuar për faktin se prej 1 janarit 2018, do të hynë në fuqi ligji për moshën e automjeteve dhe kriteri tjetër të ‘Euro-katër të standardit’.

Zëdhënësi i Doganës së Kosovës, Adriatik Stavileci, ka thënë për KosovaPress se ligji për kufizimin në vjetërsisë së automateve deri në dhjetë vjet dhe kufizimi tjetër për emetimin e gazrave, që do të hynë në fuqi nga 1 janari i vitit të ardhshëm, ka ndikuar që të rritet importi i automjeteve nga 22 mijë në 35 mijë.

-Advertisement-

“Importi i automjeteve për këtë vit, për shkak se prej 1 janarit futet ndalesa, ku secili automjet duhet të plotësoj kriterin e vjetërsisë deri në dhjetë vite dhe kriteri tjetër të ‘Euro-katër të standardit’, andaj, për këtë arsye ne kemi një rritje të madhe të importit të automjeteve, ku vetëm deri tani janë importuar mbi 30 mijë automjete, që në krahasim me vitin e kaluar, gjatë gjithë vitit kemi pasur 22 mijë automjete të importuara. Kjo rritje paraqet 33 për qind më shumë rritje të importit për automjete. Pra, ne presim që deri në fund të dhjetorit numri i automjeteve të importuara të mbërri në 35 mijë”, ka thënë Stavileci.

Ndryshe, Dogana e Kosovës mbetet njëri prej institucioneve më të rëndësishme për mbushjen e arkës së shtetit, ku për vitin 2018, ka planifikuar të inkasoi 1 miliard e 75 milionë euro.

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

ekonomi