Mundësitë që, 57 prokurorët dhe gjyqtarët e parë t’i shpëtojnë sitës së trefishtë të Vetingut, sa vijnë dhe bëhen më të pakta.
Pas dorëzimit të dosjeve të kontrollit nga ILDKP pranë Komisionit të Pavarur të Kualifikimit (organi kryesor i Vetingut), njerëzit e Vetingut kanë nisur verifikim deri në detajet më të imëta, për ligjshmërinë e pasurisë së deklaruar si dhe për fshehjen e mundshme të shpenzimeve dhe pasurive të paluajtshme, të 57 prokurorëve dhe gjyqtarëve të parë që po i nënshtrohen procesit.

Shqiptarja.com ka mësuar se po kontrollohen shpenzimet për mobilimin e shtëpive, shpenzimet për shkollimin e fëmijëve, shpenzimet për bileta udhëtimi, pushimet verore dhe dimërore, shpenzimet për dreka dhe darka, shpenzimet në spitale, bizhuteritë, makinat, llogaritë bankare etj.

Gjithashtu, po verifikohen dhuratat e mundshme, vërtetësia e tyre, vlera reale e banesave të deklaruara, e bizneseve, mundësitë për gjetjen e parave cash, certifikatat e depozitave, kartat e debitit mbi automjetet etj. Verifikimi po bëhet nga anëtarët e Komisionit të Kualifikimit me qëllim përcaktimin e gjendjes së fakteve dhe rrethanave që kanë lidhje me çështjen.

Verifikimi në banesa
Në kuadër të këtij procesi, Shqiptarja.com ka mësuar se anëtarët e Vetingut do të kryejnë verifikime edhe në banesat e subjekteve që po kontrollohen, për të konfirmuar vërtetësinë e deklaratave të pasurisë dhe të përgjigjeve të tyre. Verifikimi në çdo rast do të bëhet me lejen e gjykatës kompetente.

Kontrolli do të fokusohet kryesisht tek vlera e mobilieve dhe pajisjeve elektrike, por edhe tek çdo send tjetër me vlerë. Në shënjestër do të jenë subjektet që nuk kanë deklaruar asnjë shpenzim në deklaratat e pasurive për mobilimin e banesave.

Këqyrja dhe kontrolli i sendeve të luajtshme dhe të paluajtshme në terren gjen mbështetje në ligjin e Vetingut, konkretisht në pikën ‘ç’ të nenit 49, në kuadër të parashikimit të mjeteve për kërkimin e provës gjatë hetimit administrativ.

Vëzhguesit ndërkombëtarë nuk kanë të drejtë të hyjnë në banesat e gjyqtarëve dhe prokurorëve, por ata kanë akses të plotë në të gjitha të dhënat dhe në gjetjet e anëtarëve të organeve të Vetingut. Ekipi i vëzhguesve të ONM, i përbërë nga prokurorë dhe gjyqtarë nga SHBA dhe BE, ka gjithashtu të drejtë të kryejnë hetime të pavarura dhe të referojë prova pranë organeve të Vetingut.

Mobiliet shtëpiake
57 prokurorë dhe gjyqtarë kanë marrë në formë elektronike një grup pyetjesh nga anëtarët e Komisionit të Pavarur të Kualifikimit rreth pasurive dhe shpenzimeve. Përpos të tjerash, gjyqtarët dhe prokurorë janë pyetur për vlerën e orendive dhe pajisjeve shtëpiake dhe kur i kanë ndërruar mobilet për herë të fundit.

Kjo pyetje u është drejtuar subjekteve pas konstatimit se në deklaratat e pasurive dhe në raportet e përcjella nga ILDKP, vetëm një numër i papërfillshëm kishin deklaruar shpenzime për arredimin e banesave mbi limitin e parashikuar në ligjin për deklarimin e pasurive.

Ligji parashikon që çdo shpenzim mbi 300 mijë lekë duhet të deklarohet. Kjo ka ngritur dyshime tek anëtarët e Vetingut dhe vëzhguesit e Operacionit Ndërkombëtar të Monitorimit për fshehje të shpenzimeve të deklarueshme nga ana e gjyqtarëve dhe prokurorëve të parë që po i nënshtrohen Vetingut.

Vendimmarrja
Në fillim të vitit që vjen, Komisioni i Kualifikimit do të marrë vendimet e para për disa nga 57 gjyqtarët dhe prokurorët që po verifikohen. Dosjet e regjistruara për shqyrtim u janë shpërndarë trupave gjyqësore, përmes procedurës së shortit. Bisedimet për marrjen e vendimit ndaj subjektit të rivlerësimit do të zhvillohen me dyer të mbyllura në praninë e vëzhguesit ndërkombëtar. Vendimi do të merret me votim të hapur dhe me shumicë të thjeshtë të anëtarëve të trupit gjykues.

Nëse gjatë vendimmarrjes ka qëndrime të ndryshme nga ai i shumicës, komisionieri i mbetur në pakicë arsyeton me shkrim mendimin e tij. Vëzhguesi ndërkombëtar ka të drejtë të shkruajë një mendim ndryshe/paralel që i bashkohet vendimit. Shkarkimi nga detyra i gjyqtarit apo prokurorit do të vendoset kur rezulton se ka deklaruar më shumë se dyfishi i pasurisë së ligjshme gjatë vlerësimit të pasurisë, përfshirë edhe personat e lidhur me të.

Kur rezulton me probleme serioze gjatë kontrollit të figurës, sepse ka kontakte të papërshtatshme me personat e përfshirë në krimin e organizuar që bën të pamundur vazhdimin e detyrës. Kur rezulton si i papërshtatshëm nga vlerësimi i aftësive profesionale.

Gjyqtari ose prokurori do të shkarkohet edhe në rast se nga vlerësimi tërësor, rezulton se subjekti i rivlerësimit ka cenuar besimin e publikut te sistemi i drejtësisë dhe ndodhet në kushtet e pamundësisë për plotësimin e mangësive nëpërmjet programit të trajnimit.

Lista me emrat e 57 gjyqtarëve dhe prokurorëve që po kontrollohen:

1. Altina Xhoxhaj Gjykata Kushtetuese

2. Bashkim Dedja Gjykata Kushtetuese

3. Besnik Imeraj Gjykata Kushtetuese

4. Fatmir Hoxha Gjykata Kushtetuese

5. Fatos Lulo Gjykata Kushtetuese

6. Gani Dizdari Gjykata Kushtetuese

7. Vitore Tusha Gjykata Kushtetuese

8. Xhezair Zaganjori Gjykata e Lartë

9. Adriatik Lalla ish-Prokuror i Përgjithshëm

10. Alma Brati Gj. Shk. I, Tiranë

11. Artan Laze Gj. Shk. I, Tiranë

12. Artan Zeneli Gjykata e Lartë

13. Astrit Faqolli Gj. Shk. I

14. Besim Trezhnjeva Gj. Apelit Durrës

15. Bledar Abdullai Gj. Shk. I, Tiranë

16. Brunilda Kadi Gj. Shk. I, Tiranë

17. Brunilda Kasmi Gj. Shk. I, Tiranë

18. Dritan Hallunaj Shk. I për Krimet e Rënda

19. Ilir Toska Gj. Apelit Tiranë

20. Manjola Xhaxho Gj. Shk. I, Tiranë

21. Marcela Shehu Gj. Shk. I, Kurbin

22. Medi Bici Gjykata e Lartë

23. Nertina Kosova Apeli Krimet e Rënda

24. Adriatik Cama Prokuroria Tiranë

25. Anila Leka Prokurori e Përgjithshme

26. Antoneta Sevdari Prokuroria Tiranë

27. Arben Dopallaj Prok. Apelit Shkodër

28. Arben Nelaj Prokuroria Tiranë

29. Arta Marku Prokuroria Shkodër

30. Besa Nikehasani Prok. Apelit Shkodër

31. Besnik Cani Prokuroria Elbasan

32. Besnik Muci Prok. Krimet e Rënda

33. Bujar Hoti Prokuroria Durrës

34. Dritan Prenci Prokuroria Kukës

35. Dritan Rreshka Prokuroria Tiranë

36. Elison Sadiku Prokuroria Korçë

37. Gentjan Osmani Prok. Krimet e Rënda

38. Kostaq Beluri Prokurori e Përgjithshme

39. Luan Kaloçi Prok. Apelit Tiranë

40. Ramadan Troci Prokurori e Përgjithshme

41. Shpëtim Kurti Prokuroria Tiranë

42. Vat Staka Prokuroria Shkodër

43. Brikena Ukperaj Lubonja Gj. Apelit Vlorë

44. Ervin Metalla Gj. Apelit Tiranë

45. Fatjona Memçaj Prok. Apelit Tiranë

46. Gentjan Medja Gj. Adm. Sh.I Tiranë

47. Gentjan Trenova Prok. Apelit Tiranë

48. Kastriot Selita Gj. Adm. e Apelit

49. Rovena Gashi Prokurori e Përgjithshme

50. Admir Thanza Gjykata e Lartë

51. Ardian Dvorani Gjykata e Lartë

52. Artan Broci Gjykata e Lartë

53. Edmond Islamaj Gjykata e Lartë

54. Shkëlzen Selimi Gjykata e Lartë

55. Tom Ndreca Gjykata e Lartë

56. Artur Malaj Gj. Adm. e Apelit

57. Marsida Xhaferllari Insp. e Lartë e Drejtësisë

BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Sponsoruar