Lajme

Pa fuqi vendimmarrëse në Kuvend nuk ec agjenda evropiane

Autori: Gazeta inFokus 09:36 | 12 December 2017

Ish-zëvendësministri i Punëve të Jashtme, Valon Murtezaj, ka vlerësuar se tremujori i qeverisjes Haradinaj nuk ka treguar se do të mund t’i arrijë hapat e mëdhenj të vendimeve.

Ai ka thënë se koalicioni qeverisës është i ndërtuar nga shumë copëza, të cilat e bëjnë të pamundur të rezultojë me efektet e nevojshme dhe të duhura të Kosovës si shtet i ri.Në një intervistë për gazetën “Epoka e re”, Murtezaj ka theksuar se pa fuqi vendimmarrëse në Kuvend nuk ecën agjenda evropiane.

Ai ka thënë se duhet kohezion kombëtar dhe kapacitete njerëzore e institucionale, të cilat kapacitete nuk i ka qeveria aktuale.

-Advertisement-

Murtezaj ka pohuar se edhe më tutje se qytetarët e Kosovës mbesin të izoluar për shkak se ky koalicion nuk do të mund ta kalojë demarkacionin.

Subscribe në YouTube: GAZETA INFOKUSI